మీరెంత.. మీ పేపరెంత! - PAWAN

Posted: 05/03/2014 08:32 AM IST

జగన్‌ను తాను విమర్శిస్తుండటంతో ఆయన పత్రికలో వ్యతిరేక కథనాలు రాయిస్తున్నారని,జనసేన అధినేత, ప్రముఖ సినీ నటుడు పవన్‌కల్యాణ్ అన్నారు.

" జగన్ పత్రికలోని పసుపు రంగు చూసినప్పుడు టీడీపీ, ఆ పార్టీ అధ్యక్షుడు చంద్రబాబు మంచివారు అనిపిస్తున్నది. రాష్ట్రాన్ని కూలగొట్టి, ప్రజలను కొల్లగొట్టి సంపాదించిన డబ్బులతో జగన్ టీవీ, పేపర్ పెట్టారు. అవి నా గురించి పిచ్చి రాతలు రాస్తున్నాయి. మీరెంత.. మీ పేపరెంత' అని మండిపడ్డారు.

జగన్ అంటే తనకు భయం లేదని పవన్ స్పష్టం చేశారు. "జగన్ అంటే భయంలేదు, జగన్ అంటే శత్రుత్వంలేదు. దోపిడీకి వ్యతిరేకంగానే పోరాటం చేస్తున్నాను. జగన్ దోపిడీ చేసి జైలుకు వెళ్ళాడు. నేను మాత్రం దోపిడీని ఎదిరించడానికి, సీమాంధ్రను రక్షించడానికి జైలుకు వెళ్లడానికెనా సిద్ధమే''అని అన్నారు

నాకు జగన్‌లా లక్షల కోట్లు సంపాదించాలని లేదు. పార్టీలను అడ్డుకుని పదవులను పొందాలని లేదు. ప్రజా సమస్యల పరిష్కారం కోసం ప్రభుత్వాలను ప్రశ్నించడానికే పార్టీ పెట్టాను. అవినీతిపరులపై కోనసీమ పౌరుషాన్ని చూపించాలన్నప్పుడు.. యువత నుంచి మంచి స్పందన లభించింది