భాస్కర శతకము

Posted: 03/29/2014 10:33 AM IST

అడిగినయట్టి యాచకుల యాశ లెఱుంగక లోభవర్తియై 

కడపిన ధర్మదేవత యొకానొక యప్పుడు నీదు వాని కె

య్యెడల, నదెట్లు పాలు తమ కిచ్చునె యెచ్చటనైన లేఁగలన్

గుడువఁగ నీనిచోఁ గెరలి గోవులు తన్నునుగాక భాస్కరా!

టీకా : అడిగినయట్టి = యాచించునట్టి; యాచకుల = అడుగువారి యొక్క; ఆశలన్ = కోర్కెలు; లోభవర్తియై = లోభ ప్రవర్తన కలవాడు; ఎఱుంగక = తెలియక; కడపినన్ = పంపివేసిన; ఒకప్పుడున్ = ఎప్పటికైన; వానికిన్ అయ్యెడలన్ = వానికి అవసరమైనప్పుడు; ఈదు = ఈయదు; అదెట్లు + అనన్ = ఉదాహరణకు; ఎచ్చటనైనన్ = ఎక్కడైన; లేగలన్ = దూడలను; కుడువగనీనిచోన్ = త్రాగనీయకుండ; కెరలి = కోపించి; గోవులు = ఆవులు

తాత్పర్యము : భాస్కరా! ఏవిధంగా అయితే మానవుడు, దూడలను పాలు తాగనీయకుండా తను తీసుకోవాలని తలించినప్పుడు ఆవులు కోపగించి వానికి పాలివ్వకుండా తన్నినట్టే... అదేవిధంగా యాచకులు (అడిగినవారు) గుంపు కోరికలు కోరి.. వారి కోసం కూడబెట్టదలచిని వాడిని ధర్మదేవత ఎప్పటికీ పుష్కలంగా ధనం ఇవ్వదు.