జగన్ వార్నింగ్ తో బాబులో చలనం : రోజా

Posted: 08/26/2015 01:58 PM IST

Ycp mla roja controversial comments chandrababu pawan kalyan rishiteshwari

వైఎస్ఆర్ కాంగ్రెస్ ఎమ్మెల్యే రోజాకి మైకు దొరికితే చాలు.. అధికార టీడీపీ పార్టీపై ముఖ్యంగా ఏపీ సీఎం చంద్రబాబు నాయుడు మీద విమర్శనాస్త్రాలు సంధిస్తుంటుంది. నిజానికి ఈమె రాజకీయ పాఠాలు నేర్చుకుంది టీడీపీ నుంచే కానీ.. వైసీపీ మంచి హోదా ఇచ్చి అక్కున చేర్చుకోవడంతో ఆ పార్టీపై ఎగిరి గంతులేస్తోంది. ఇప్పుడు తాజాగా మరోసారి ఈమె బాబు మీద విమర్శలు చేసింది.

తమ వైసీపీ అధినేత వైఎస్ జగన్ మోహన్ రెడ్డి హెచ్చరికలతోనే చంద్రబాబులో చలనం కనిపిస్తోందని రోజా పేర్కొంది. నవ్యాంధ్ర రాజధాని భూమి కోసం ప్రభుత్వం జారీ చేసిన భూసేకరణ నోటిఫికేషన్ కు నిరసనగా విజయవాడలోని సీఆర్డీఏ కార్యాలయం ముందు జగన్ నేటి ఉదయం దీక్షకు దిగిన సంగతి తెలిసిందే. ఈ దీక్షలో పాల్గొన్న సందర్భంగా రోజా మాట్లాడుతూ చంద్రబాబుపై విమర్శనాస్త్రాలు గుప్పించింది. 14 నెలలుగా తాము చంద్రబాబు లాంటి సీఎం పాలనలో ఉండటం మన దౌర్భాగ్యం అని ప్రజలు బాధపడుతున్నారని ఆమె వ్యాఖ్యానించింది. ఆర్టీసీ కార్మికులు, పారిశుద్ధ్య కార్మికుల సమ్మెపై స్పందించిన జగన్, సమస్యను పరిష్కరించకపోతే ఆందోళనకు దిగుతానని హెచ్చరించిన తర్వాతే చంద్రబాబు ప్రభుత్వం ఆ సమస్యలను పరిష్కరించిందని ఆమె గుర్తు చేసింది.

ఇక ఈ నేపథ్యంలోనే ఆమె రిషితేశ్వరి ఆత్మహత్య ఘటనను గుర్తుచేస్తూ.. జనసేనాధిపతి పవన్ కల్యాణ్ ను నిలదీసింది. భూసేకరణపై అంతెత్తున ఎగిరిపడ్డ పవన్ కల్యాణ్.. నాగార్జున వర్సిటీ విద్యార్థిని రిషితేశ్వరి ఆత్మహత్యపై ఎందుకు స్పందించలేదని ఆమె ప్రశ్నించింది.

AS