తెలంగాణ అనుమానాలు వద్దు

Posted: 10/31/2013 07:41 PM IST

*   పీసీసీ అధ్యక్షుడు బొత్స సత్యనారాయణ ఈరోజు మీడియా సమావేశం ఏర్పాటు చేయటం జరిగింది.

*   ప్రత్యేక తెలంగాణ రాష్ట్రం ఏర్పాటుపై అనుమానాలు వద్దని, ఎవరేంటో తెలియాలనే మరోసారి అఖిలపక్షం ఏర్పాటు చేయడం జరుగుతుందని పీసీసీ అధ్యక్షుడు బొత్స సత్యనారాయణ పేర్కొన్నారు.

*   ప్రత్యేక తెలంగాణ ఏర్పాటుకు సంబంధించిన వివిధ అంశాలను చర్చించేందుకు కేంద్రం అఖిలపక్షాన్ని వేయడాన్ని స్వాగతిస్తున్నామని, ఈ అంశంపై కేంద్రం నుంచి మరింత స్పష్టత వచ్చాకే పార్టీ తరపున ఢిల్లీకి వెళ్లేది ఎవరనేది ఖరారు అవుతుందని తెలిపారు.

 

*   ఈ అవకాశాన్ని అన్ని పార్టీలు వినియోగించుకోవాలని ఆయన కోరారు. అయితే అఖిలపక్షంపై ప్రజలను మభ్యపెట్టొద్దని బొత్స విజ్ఞప్తి చేశారు.

*   సమస్యల పరిష్కారం కోసమే కేంద్రం అఖిలపక్ష సమావేశం ఏర్పాటు చేసిందన్నారు.

*   రాష్ట్ర పరిస్థితులకు అనుకూలంగా వ్యవహరించాలని బొత్స పేర్కొన్నారు.

*   పార్టీలో ఉంటూ జేసీ దివాకర్ రెడ్డి వంటి సీనియర్ నేతలు కాంగ్రెస్ను నష్టపరిచే వ్యాఖ్యలు చేయొద్దని ఆయన అన్నారు.

*   కాంగ్రెస్ను వీడేవారు వెళ్లిపోవచ్చని బొత్స వ్యాఖ్యానించారు. అయితే పార్టీని వీడి వెళ్లిపోవాలనుకున్నవారిపై చర్యలేం తీసుకుంటామని ఆయన అన్నారు.

*   అఖిలపక్ష సమావేశం వల్ల మంచి జరుగుతుందని సీమాంధ్ర నాయకుడిగా, పిసిసి అధ్యక్షుడిగా అనుకుంటున్నట్లు బొత్స తెలిపారు.

*   సిపిఎం మినహా అన్ని పార్టీలు రాష్ట్రాన్ని విభజించాలనే చెప్పాయని ఆయన అన్నారు.

*   రాష్ట్రాన్ని విభజించాలని తెలుగుదేశం పార్టీ అన్ని అఖిల పక్ష సమావేశాల్లోనూ చెప్పిందని ఆయన గుర్తు చేశారు.

 

*   రాష్ట్రాన్ని విభజించే అధికారం కేంద్రానికి ఉందని వైయస్సార్ కాంగ్రెసు పార్టీ చెప్పిందని, కేంద్రం తండ్రి పాత్ర పోషించాలని అంటున్న జగన్‌కు ఆ రోజు సమైక్యం గుర్తుకు రాలేదా అని ఆయన ప్రశ్నించారు.

*   కేంద్ర ప్రభుత్వం అఖిల పక్ష సమావేశం ఏర్పాటు చేస్తున్నందున పార్టీలు రాజకీయ చేయడం మానేసి సమస్య పరిష్కారానికి తోడ్పడాలని ఆయన విజ్ఞప్తి చేశారు.

*   అపోహలను, అనుమానాలను పక్కకు పెట్టి పార్టీలు వాస్తవాలకు దగ్గరగా వెళ్లాలని బొత్స సూచించారు.

*   ప్రజలను మోసం చేయడానికి ప్రయత్నించవద్దని ఆయన సలహా ఇచ్చారు.

*   అధికారం కోసం రాజకీయం చేయడం మానేసి సామరస్యపూర్వక వాతావరణంలో సమస్యను పరిష్కరించడానికి ప్రయత్నం చేయాలని ఆయన అన్నారు.

*   ముఖ్యమంత్రి కిరణ్ కుమార్ రెడ్డి పార్టీ పెట్టబోరని బొత్స చెప్పారు.