దాశరథి శతకము

Posted: 04/08/2014 01:29 PM IST

కనకవిశాలచేల భవ  కానన శాతకుఠారధార స 

జ్జనపరిపాలశీల దివి  జస్తుత సద్గుణకాండ కాండ సం

జనిత రాక్రమక్రమ వి  శారద శారదకుందకుంద చం

దన ఘనసార సారయశ  దాశరథీ కరుణాపయోనిధీ !

టీకా : కన - చేల = బంగారుమయమైన వెడల్పుగా వున్న వస్త్రంతో గలవాడు ; భవ - ధార = సంసారమనే అడవికి గొడ్డలివంటివాడు ; సజ్జ - శీల = సజ్జనులను పాలించే స్వభావం కలవాడు ; దివిజస్తుత = దేవతలతో పొగడబడినవాడు ; సద్గుణకాండ = మంచి గుణాల సమూహం కలవాడు ; కాండ - శారద = బాణముల పరాక్రమ క్రమంలో పండితుడైనవాడు ; శారదకుంద = శరత్కాలపు మేఘంలా ; కుంద = మొల్లలు ; చందన = గంధము ; ఘనసార = పచ్చకర్పూరము ; సార = నిగ్గువంటిదైన ; యశ = కీర్తి గలవాడు 

తాత్పర్యము : ఓ భద్రాచలరామా! నువ్వు బంగారుమయంలాగా వెడల్పుగా తయారుచేయబడిన వస్త్రాలను కలిగినవాడివి.. సంసారమనే అడివికి గొడ్డలి మొనవంటివాడివి.. సజ్జనులను పరిపాలించేవాడివి.. దేవతలతోనే పొగడబడినవాడివి.. మంచి గుణాలను కలిగిన వాడివి.. బాణ విద్యలో కూడా నువ్వు పండితుడివి.. శరత్కాలపు మేఘం - మొల్లలు - గంధము - పచ్చకర్పూరము వంటి నిగ్గయిన కీర్తిగలవాడివి నువ్వు.