Rabindranath Tagore Quotes

Posted: 05/02/2013 04:54 PM IST

శిశువు జన్మించినప్పుడల్లా దేవుడింకా మానవజాతిమీద నమ్మకాన్ని పోగొట్టుకోలేదనే సంకేతం వస్తుంది - రవీంద్రనాథ్ టాగూర్

ఎంత చక్కని ఆలోచన ప్రకృతిలో మానవజాతి అంతరించకుండా చూస్తున్నాడంటే దేవుడికింకా మానవుల మీద నమ్మకం పోలేదన్నమాట. తన సృష్టి మీద నిరాశచెందలేదన్నమాట.

జాతంతా భ్రష్టుపట్టింది, మానవ విలువలు పడిపోయాయి అంటూ ఆక్రోశంతో మాట్లాడుతూ మనుషులను నిందిస్తూ చెప్పటం నిరాశావాదమైన ఒక పద్ధతైతే, లేదు, మానవ జాతికి ఇంకా అవకాశం ఉంది, మనం ఇంకా అభివృద్ధి చెందుతాం అని చెప్పటం ఆశావాదం.

జీవితాన్ని పాజిటివ్ తీసుకున్నవారే దాన్ని పూర్తిగా అనుభవిస్తూ ఆనందాన్ని ఆస్వాదించగలుగుతారు. వారికి ప్రపంచమంతా అందమైన కలగా కనిపిస్తుంది. అదే, నెగెటివ్ గా తీసుకున్నవారికి అనుమానాలు, ఫిర్యాదులు, కోపావేశాలు, నిరాశా నిస్పృహలు, తనమీద తనకే అయిష్టంతో సంతృప్తి లేకపోవటం జరుగుతుంది. ఈ రెండు విధానాలూ మన ముందే ఉన్నాయి. మనుషులు దేన్ని తీసుకుని అనుసరించాలనుకుంటే దాన్నే తీసుకోవచ్చు. పాజిటివ్ ఆలోచించే స్వాప్నికులకు ప్రపంచంలో దేని మీదా నిరసన ఉండదు.

-శ్రీజ