కేసీఆర్ సమర్థపై వర్మ కామెంట్

Posted: 12/07/2013 07:04 PM IST

మొన్న పవర్ స్టార్ పవన్ కళ్యాణ్ , నిన్న సెన్సార్ బోర్డు ఛీప్ ధనలక్ష్మీ, నేడు తెలంగాణ రాష్ట్ర సమితి అధ్యక్షుడు కల్వకుంట్ల చంద్రశేఖరరావు (కేసిఆర్) పై సంచలన దర్శకుడు రాంగోపాల్ వర్మ ట్విట్టర్ పోటు పొడిచాడు. వర్మ ఎప్పుడు వివాదామే అని మళ్లీ నిరుపించాడు. రాష్ట్ర విభజన పై కేంద్రం ఆమోదం పొందిన తరువాత, కేసిఆర్ రాష్ట్ర విభజన పై కొన్ని ప్రకటన చేయటం జరిగింది. అయితే ఈసారి వర్మ నేరుగా కేసిఆర్ పై ఎక్కుపెట్టాడు. తనదైన శైలిలో కేసిఆర్ పై విచిత్రమైన విమర్శలు చేయటం జరిగింది. అమెరికాలో కేసీఆర్ లాంటి నాయకులు లేకపోవడం వల్లే అక్కడ విభజన రాజకీయాలు లేవేమోవని పేర్కొన్నాడు. కేసీఆర్ తన మకాం అమెరికాకు మార్చి ఆ దేశ పౌరులకు విభజన భావనలు, ఆలోచనల గురించి చెప్పాలని సూచించాడు. ఇలాంటి నాయకులు అమెరికాను విభజించాలని వాదించగలరని అభిప్రాయపడ్డాడు. ఇంతటితో మన వర్మ ఊరుకోలేదు.. ఇంకొంచెం ఘాటు పెంచాడు.

అమెరికాలో ఏ రాష్ట్రం కూడా విడిపోవాలని ఎందుకు అడగడం లేదు? అక్కడ కేసీఆర్ లాంటి సమర్థులైన నాయకులు లేకపోవడం వల్లేమో?

కెసీఆర్ ఒకవేళ అమెరికా పౌరుడిగా వాషింగ్టన్ లో జన్మించినట్టయితే.. ఆయన తన జీవితంలో ఏం సాధించావారో చూడాలనివుంది.

భారత్ లోని రాష్ట్రాలు ఎప్పుడూ సమైక్యంగా లేకపోవడం లేదా సమైక్యంగా ఉంచగల సామర్థ్యం భారతీయులకు లేకపోవడం విభజనకు కారణం కావచ్చు.

రాష్ట్రాలను ఎలా సమైక్యంగా ఉంచాలో మనం అమెరికాను చూసి నేర్చుకోవాలి.

అమెరికాలో ఏ రాష్ట్రం కూడా ప్రత్యేక రాష్ట్రం కావాలని కోరుకోకపోవడం ఆశ్చర్యంగా అనిపిస్తుంటుంది.

అమెరికన్లు మద్యం, శృంగారాన్ని ఎక్కువగా ఇష్టపడుతారు. వేర్పాటు రాజకీయాల గురించి ఆలోచించేంత తీరిక వారికి ఉండదు.

ఇవన్నీ వర్మ మనసులో గత కొన్ని సంవత్సరాలుగా సుడులుతిరుగుతున్న ప్రశ్నలు. ఇన్నీ రోజులకు ..వర్మ మనసులో దాసుకున్న ప్రశ్నలను ఈరోజు బయటపెట్టారు. అదీ కూడు కేసిఆర్ లాంటి సమర్థత కలిగిన నాయకుడిపై వర్మ తన డౌట్స్ ను తీర్చుకున్నాడు. అయితే వర్మ డౌట్స్ కు కేసిఆర్ ఎలాంటి సమాధానం చెబుతారో చూడాలి. ఇప్పటి వరకు సినీ ప్రపంచం నుండి కేసిఆర్ పై కామెంట్ చేసిన వారు ఎవ్వరు లేరు. ఇప్పుడు మొట్టమొదటి వ్యక్తిగా వర్మ నిలిచాడు. వర్మ పై టీఆర్ఎస్ నేతలు ఏమాంటారో చూడాలి.