పవన్ హ్యాండ్ ఇచ్చాడు...?

Posted: 11/27/2013 02:45 PM IST

ఏంటి టైటిల్ కాస్త కన్ఫ్యూజన్ గా ఉంది.... కొంపదీసి సంపత్ నందికి హ్యాండ్ ఇవ్వలేదు కదా అనే అనుమానం వచ్చిందా ? అలాంటి అనుమానాన్ని దరిదాపుల్లోకి కూడా రానివ్వకండి. ఎందుకంటే పవన్ ఒక్కసారి మాటిచ్చాడంటే తప్పడు కాబట్టి. ఇదంతా తెలిసిందే కదా అసలు విషయం కాస్త చెప్పి ఏడవచ్చు కదా ? అనుకుంటున్నారా ? అక్కడికే వస్తున్నా....

ప్రస్తుతం టాలీవుడ్ లో విపరీతమైన ఫాలోయింగ్, ఇమేజ్ ఉన్న పవన్ కళ్యాణ్ తో వివిధ కంపెనీలు తమ ఉత్పత్తులకు బ్రాండ్ అంబాసిడర్ గా నియమించుకొని ప్రచారం చేయించాలని చూస్తున్నట్లు,  ప్రోడక్ట్ ప్రమోషన్ కు గ్రీన్ సిగ్నల్ ఇస్తే భారీ మొత్తంలో డబ్బు ముట్టచెబుతామని భారీ ఆఫర్ కూడా ఇచ్చారు. కానీ తమ క్రేజ్ ను క్యాష్ చేసుకోవాలని చూస్తున్న పలు కంపెనీల విశ్వప్రయత్నాలకు పవన్ గండి కొట్టాడు. తమను సంప్రదించిన పలు కార్పోరేట్ కంపెనీలకు ప్రొడక్ట్ లో క్వాలిటీ ఉండి.. వినియోగదారులను ఎలాంటి మోసానికి గురి చేయకుండా ఉంటేనే తప్ప తాను బ్రాండ్ అంబాసిడర్ గా వ్యవహరించనని చెప్పి వారికి దిమ్మ తిరిగే షాక్ ఇచ్చాడు.

పవన్ విలువలకు, సిద్దాంతాలకు కట్టుబడి ఉంటారు కాబట్టే పవన్ కళ్యాణ్ ఇలాంటి నిర్ణయం తీసుకున్నాడని అతని అభిమానులు అంటున్నారు. ప్రస్తుతం టాలీవుడ్ , బాలీవుడ్ హీరోలు పలువురు పలు బ్రాండ్ లకు ప్రచారం చేస్తూ కోట్లు గడిస్తున్న ఈ తరుణంలో పవన్ కళ్యాన్ ప్రజల గురించి ఆలోచించడం చూస్తుంటే పవన్ లాంటి హీరోలు ఇండస్ట్రీలో కొందరు ఉంటే చాలాని సామాన్య ప్రజలు అంటున్నారు.