మెగా హీరోలకు హీరోయిన్ కరువు

Posted: 11/21/2013 01:46 PM IST

టాలీవుడ్ స్టార్ హీరోలకు హీరోయిన్లు దొరకడం లేదు. ఈ హీరోల పక్కన నటించడానికి ఏ ముద్దుగుమ్మ ముందుకు రావడం లేదు. దీంతో స్టార్ హీరోలు ముద్దుగుమ్మల కొసం జాగారాలు చేస్తున్నారు. ఇఫ్పటికే సీనియర్ హీరో బాలయ్య ‘లెంజెండ్ ’ సినిమా కోసం హీరోయిన్ల విషయంలో చాలా సమస్యలు ఎదుర్కొని చివరకు చిన్నా చితకా హీరోయిన్లతో సరిపెట్టుకున్నాడు.

ఇక పవర్ స్టార్ పవర్ కళ్యాణ్ కూడా గత కొంత కాలంగా హీరోయిన్ దొరక్కనే తన తరువాతి ప్రాజెక్టును పట్టాలెక్కించలేదు. ఇప్పటికీ ఆయన హీరోయిన్ కోసం వెతుకుతూనే ఉన్నారు. ఇప్పుడు అబ్బాయి చరణ్ కూడా హీరోయిన్ సమస్యలో చిక్కుకున్నాడు. ఈయన సరసన నటించడానికి కూడా ఏ మద్దుగుమ్మ సహాసం చేయడం లేదు. విషయం ఏంటంటే రామ్ చరణ్, వెంకటేష్ మల్టీస్టారర్ గా క్రిష్ణ వంశీ దర్శకత్వంలో రూపొందబోయే సినిమాలో చరణ్ కోసం హీరోయిన్ దొరకడం లేదు.

మొదటి నుండి చరణ్ సరసన కాజల్ నటిస్తుందని వార్తలు వచ్చాయి కాని ఆ పాత్ర ఓ గ్రామీణ యువతిగా ఆ సినిమాలో పాత్రకు కాజల్ సూటవ్వదని, గ్రామీణ యువతి పోలికలుండే అచ్చమైన తెలుగమ్మాయి కోసం వెతుకుతున్నారని అంటున్నారు. ఇక వెంకీ సరసన నయనతార నటిస్తుందని అంటున్నారు కానీ ఆ విషయంలో కూడా క్లారిటీ లేక రాలేదు. చరణ్, వెంకీలకు అమ్మాయిలు దొరికి అన్నీ సవ్యంగా జరిగితే ఈ సినిమాను డిసెంబర్ చివరి వారంలో కానీ, జనవరి మొదటి వారంలో కానీ సెట్స్ పైకి తీసుకొని వెళ్ళే ప్రయత్నాలు చేస్తున్నాడు దర్శకుడు.

ఆ మధ్యన ఈ కాంబినేషనల్లో సినిమా కాన్సిల్ అయిందని, మల్టీస్టారర్ కాదు సింగిల్ స్టారర్ సినిమానే అని ఇలా తర్జన భర్జనల మద్య చివరకు ఓ కొలిక్కి వచ్చిన ఈ ప్రాజెక్టుకు ఇప్పుడు హీరోయిన్ల కొరత రావడంతో దర్శకుడికి ఏం చేయాలో పాలుపోవడం లేదని అంటున్నారు. ఫ్యామిలీ ఎంటర్ టైనర్ గా రూపొందే ఈ సినిమా వచ్చే ఏడాది దసరా కానుకగా ప్రేక్షకుల ముందుకు రాబోతుందని అంటున్నారు. . బండ్ల గణేష్ ఈ చిత్రాన్ని నిర్మించబోతున్నాడు.