చిన్న హీరో పరువు తీసిన మహేష్

Posted: 10/31/2013 12:39 PM IST

అవును మీరు చదివింది కరెక్టే. సూపర్ స్టార్ మహేష్ బాబు తన బావ పరువు తీసాడు. అంటే.. సొంత అక్క మంజుల భర్త కాదులేండి. ఆయన కూడా మహేష్ బాబుకు బావ అవుతాడు . కానీ ఇక్కడ మాత్రం సూపర్ స్టార్ క్రిష్ణ చెల్లాల కొడుకు సుధీర్ బాబు. అయితే ఈ ఇద్దరి కలియికలో ఏ సినిమా రాకపోయినప్పటికి.. మహేష్ బాబు సహాకారంతోనే.. సినిమాల్లోకి రావటం జరిగిందని హీరో సుదీర్ బాబు చెబుతుంటాడు. కానీ మహేష్ బాబు అందుకు ఓప్పుకోవటం లేదు. బహిరంగ వేదికపై సుదీర్ బాబు పరువును మహేష్ బాబు తీసినట్లుగా కనిపిస్తుంది.

 

రీసెంట్ గా సుదీర్ బాబు తాజా సినిమా ఆడు మగాడ్రా బుజ్జి సినిమా ఆడియో వేడుక జరిగింది. ఈ వేడుకకు సూపర్ స్టార్ ఫ్యామిలీ మొత్తం హాజరుకాగా ప్రిన్స్ మహేష్ కూడా హాజరై సుధీర్ బాబుకు ఒక ఝలక్ ఇవ్వటం జరిగింది. మహేష్ బాబు కంటే ముందుగా మాట్లాడిన సుధీర్ మహేష్ అర్హత లేనిది దేనినీ ఎంకరేజ్ చేయడు.. అందుకే తన రికమెండ్ కావాలంటే ముందుగా దానికి నాకు అర్హత ఉందా లేదా అని ఆలోచించుకుంటానని.. ఇక నాకు మహేష్ ఇస్తున్న ఎంకరేజ్ మెంట్ అంతా ఇంతా కాదు..నా వెనక మహేష్ వున్నాడు.. నా ముందు అభిమానులున్నారు.. ఇలా ముందుకు సాగుతూనే వుంటానని సుధీర్ మహేష్ బాబు గురించి గొప్పగా చెప్పటం జరిగింది. కానీ మహేష్ బాబు మాత్రం అందుకు విరుద్దంగా బహిరంగం వేదికపైనే బావ చెప్పిన గొప్పల గురించి గాలి తీశాడు. ఒకరకంగా చెప్పాలంటే.. సుదీర్ పరువు తీసినట్లు గా కనబడింది.

 

మహేష్ మాత్రం ‘సుధీర్ ఎప్పుడు నేను ప్రోత్సహించానని చెబుతుంటాడు. నిజం చెప్పాలంటే ఇలా ఆడియో వేడుకలకి రావడం తప్ప నేను తనకి చేసింది ఏమీ లేదు. తను ఎవరి సహాయం లేకుండా నిలదొక్కుకున్నందుకు నాకు చాలా గర్వంగా ఉందని చెప్పుకొచ్చాడు. ఇక ఈ సినిమా కూడా పెద్ద హిట్ కొట్టి తనకు మరిన్ని మంచి సినిమాలు చేయాలని కోరుకుంటున్నానని చెప్పుకొచ్చాడు. సుదీర్ బాబు కు మహేష్ బాబు అతి సున్నితంగా చెప్పటంపై మహేష్ బాబు అభిమానులు కలవరపడుతున్నారు. అంటే చిన్న హీరో అయిన సుదీర్ కు ఇలాంటి అవకాశం ఇవ్వకూడదనే ఉద్దేశం మహేష్ మాటల్లో కనిపిస్తుందనే విషయం ప్రతి ఒక్కరికి అర్థమైంది.