టాలీవుడ్ లో స్టార్ హీరోల బిగ్

Posted: 09/19/2013 10:11 AM IST

సీమాంధ్ర ఉద్యమ నేపధ్యంలో షూటింగులు,  సెన్సార్ లు పూర్తి చేసుకొని విడుదల సిద్దంగా ఉన్న స్టార్ హీరోల సినిమాలు విడుదలకు నోచుకోని విషయం తెలిసిందే. ఇప్పటి వరకు వాయిదాల మీద వాయిదాలు పడుతూ వస్తున్న ఈ స్టార్ హీరోల సినిమాల విడుదల తేదీలు ఎట్టకేలకు ఖరారు అయ్యాయి. ఈ విడుదల తేదీలు ఒక్కరోజు తేడాతో ఉండటంతో రానున్న దసరా సీజన్ కి టాలీవుడ్ బాక్సాఫీసు వద్ద బిగ్ ఫైట్ జరగబోతుంది. పవన్ కళ్యాణ్ నటించిన ‘అత్తారింటికి దారేది ’ అక్టోబర్  9న విడుదల కాబోతుంది. మరో స్టార్ హీరో అయిన జూనియర్ ఎన్టీఆర్ హరీష్ శంకర్ దర్శకత్వలో నటించిన ‘రామయ్యా వస్తావయ్యా ’ తెల్లవారి అనగా అక్టోబర్ 10 తేదీన విడుదల చేస్తున్నట్లు ఆ చిత్ర నిర్మాత దిల్ రాజు ప్రకటించాడు. గత రెండు మూడు నెలలుగా పెద్ద హీరోల సినిమాలు లేక టాలీవుడ్ బాక్సాఫీసు వెలవెల బోతుంది.

ఇప్పటికే పవన్ కళ్యాణ్ పాడిన పాటకు యూట్యూబ్ లో మంచి రెస్పాన్స్ వచ్చింది. దీంతో ఈ సినిమా పై భారీ అంచనాలు ఏర్పడ్డాయి. మరో వైపు నిర్మాత దిల్ రాజుకు అక్టోబర్ నెల గతంలో బాగా కలిసి వచ్చాయి. ఆయన  తెరకెక్కించిన ‘కొత్తబంగారు లోకం’, ‘బృందావనం’ వంటి సినిమాలు రావడమేకాదు.. సూపర్‌హిట్ కూడా అయ్యాయి. ఈ సెంటిమెంటుతో ఎలాగైనా అక్టోబర్ 10వ తేదీన సినిమాను ప్రేక్షకుల ముందుకు తీసుకురావడానికి సన్నాహాలు చేస్తున్నాడు. ఇక ‘రామయ్యా వస్తావయ్యా ’ విషయానికొస్తే... ‘గబ్బర్‌సింగ్’ తర్వాత హరీష్ శంకర్ చేస్తున్న సినిమా ఇది. ఎన్టీఆర్ ఇందులో సరికొత్త లుక్‌లో కనిపిస్తున్నారు. ‘బుడ్డోడా బుడ్డోడా అంటే గుడ్డలూడదీసి కొడతా ’ అనే టీజర్‌తో ఈ సినిమాపై అంచనాలు అంబరాన్నంటాయి. ఈ చిత్రాన్ని కూడా ప్రపంచవ్యాప్తంగా విడుదల చేయాలని భావిస్తున్నాడు.అంటే ఈసారి దసరాకి పవన్ వర్సెస్ జూనియర్ ఎన్టీఆర్‌ల మధ్య బిగ్‌ఫైట్ జరగడం ఖాయమని అభిమానులు మాట్లాడుకుంటున్నారు. చాలా రోజుల తరువాత దసరా సీజన్ కి జరగబోతున్న ఈ బిగ్ ఫైట్ లో ఎవరు నెగ్గుతారో చూడాలి.