ఉద్యమాన్ని నడిపిస్తుంది కిరణే

Posted: 08/17/2013 04:30 PM IST

     ఎన్నో ఏళ్ళుగా నలుగుతున్న తెలంగాణ ఉద్యమాన్ని ఇన్ని రోజులు కాంగ్రెస్ పార్టీ నాన్చుతూ వచ్చింది. ఎట్టకేలకు రాష్ట్ర విభజన తధ్యం అంటూ ప్రకటన చేసింది. దీనికి సంబంధించిన ప్రక్రియ కూడా ఖాయం అయిపోయింది. తెలంగాణ రాష్ట్రం ఏర్పటడానికి ఎన్నో రోజులు లేదు. సమైక్యరాష్ట్రానికి ముఖ్యమంత్రిగా ఉన్న కిరణ్ కుమార్ రెడ్డి ఎన్ని రోజులు పదవిలో ఉంటాడో తెలిదు కానీ...తన సొంతలోనే కిరణ్ అంటే గిట్టని వారు, ప్రత్యర్థి వర్గం మాత్రం ఆయన్ను ఇంకా సూటి పోటి మాటలతో గుచ్చుతూనే ఉన్నారు.

     తెలంగాణ ప్రాంతానికి చెందిన ఉపముఖ్యమంత్రి దామోదర రాజనరసింహకు, కిరణ్ కి మధ్య పచ్చగడ్డి వేస్తే భగ్గుమనేంత గ్యాప్ ఉంది. దీంతో ఆయన సమయం వచ్చినప్పుడల్లా కిరణ్ ని మాత్రం వదిలిపెట్టడం లేదు. తాజాగా ఆయన తెలంగాణ ప్రాంతానికి చెందిన మేధావులను, ముఖ్యనాయకులను ఇంటికి పిలిచి విందును ఏర్పాటు చేశాడు. ఈ విందులో దామోదర కిరణ్ పై విసుర్లు విసిరాడని వార్తలు వస్తున్నాయి. తెలంగాణ విభజన ప్రకటనకు వ్యతిరేకంగా సీమాంధ్రలో జరుగుతున్న ఉద్యమం క్రుత్తిమమైందని, సీమాంధ్రలో జరిగే ఉద్యమాలన్నింటిని నడిపేది దళకమాండరే (కిరణ్) అని వారితో అన్నట్లు తెలుస్తుంది. ఓ వైపు విభజన ఫైనల్ అయిందని, దానిలో మరో భిన్నాభిప్రాయానికి తావులేదని చెబుతున్న దామోదర రాజనరసింహా... దాన్ని అడ్డుకోవడానికే ఉద్యమం చేస్తున్నారని అనడం సమంజసం కాదు. ఇక్కడ దామోదర కిరణ్ ని ఉద్దేశించి అన్నా... ఓ విషయం మాత్రం గుర్తుంచుకోవాలి. ప్రస్తుతం సీమాంధ్రలో జరుతున్న ఉధ్యమంలో ఏ రాజకీయ పార్టీల ప్రమేయం లేదు. ఉద్యమం పూర్తిగా ప్రజల చేతుల్లోకి వెళ్లింది. ఫలానా పార్టీ అంటూ తేడా లేకుండా ఉద్యమకారులు నాయకుల పై మండిపడుతున్నారు. అన్ని పార్టీల కన్నా ఎక్కువ కాంగ్రెస్ పార్టీకే తాకుతుంది ఉద్యమ సెగ. ఎందుకంటే కాంగ్రెస్ పార్టీనే నిర్ణయం వెలవరించింది కాబట్టి. అయితే ఉద్యమాన్ని కిరణే (దళ కమాండరే) నడిపిస్తున్నారనడం హస్యస్పదమే అవుతుంది.