జగన్ విశ్వరూపం చూపించిన కొండా

Posted: 07/29/2013 02:57 PM IST

వైఎస్ అంటే... కొండా. కొండా అంటే వైఎస్ అందరికి తెలిసిన విషయమే. వైఎస్ కుటుంబం కోసం కొండా దంపతులు పదవులు సైతం త్యాగం చేసి వారి మద్య ఉన్న కుటుంబం బంధాన్ని బలపరుచుకున్నారు. కొండా సురేఖ దంపతులు వైఎస్ కుటుంబానికి కొండంత బలం. కానీ ఇప్పుడు ఈ బలమే వైఎస్ కుటుంబం పై పగపట్టింది. నిన్నటి వరకు వైఎస్ నామస్మరణ చేసిన కొండా దంపతులు నేడు ఘాటైన విమర్శలు చేస్తేస్థాయికి ఎదిగిపోయారు. కొండా సురేఖ ఒక్కసారిగా వైఎస్ జగన్మోహన్ రెడ్డి కి విశ్వరూపం చూపించింది. కొండా పవర్ ఎఫెక్ట్ వైఎస్ విజయమ్మను తాకింది. వైఎస్ఆర్ కాంగ్రెస్ పార్టీ అధినేత వైఎస్ జగన్మోహన్ రెడ్డిని ఉద్దేశించి కొండా సురేఖ బహిరంగ లేఖ రాశారు. జగన్ పై పార్టీ పై లేఖలో తీవ్ర విమర్శలు చేసినట్లు తెలుస్తోంది. వైఎస్ జగన్ కకు మాట తప్పడం, మడమ తిప్పడం జగన్ అజెండా అని కొండా దంపతులు అన్నట్లు సమాచారం.

 

అంతేకాకుండా వైకాపా ఓ ప్రైవేటు లిమిటెడ్ కంపెనీ అని కొండా ఆరోపిస్తున్నారు. వైఎస్ జగన్ చంచల్ గూడ జైలు నుంచే సలహాలు ఇస్తూ పార్టీని భ్రష్టు పట్టిస్తున్నారని కొండా సురేఖ మండిపడ్డారు. జగన్ కోసం మేము పదవులను కోల్పోయామని , పార్టీకి ఓ ఎమ్మెల్సీ అవకాశం వస్తే తన భర్త మురళీ కాకుండా ఇతరులకు ఇచ్చారని కొండా ఆవేదన వ్యక్తం చేశారు. జగన్ తో ఉన్నందుకు మేము ఆర్థికంగా చాలా నష్టపోయం, అందుకాకుండా రాజకీయంగా కూడా నష్టపోయామని కొండా మురళీ చెప్పటం అందరికి ఆశ్చర్యం కలిగించాయి. జగన్ కు ఉన్న ఆవేశం వలన తమను నమ్ముకున్న కార్యకర్తలు , నాయకులు తీవ్రంగా నష్టపోయారని సురేఖ ఆవేశంతో అన్నారు. అంతేకాకుండా తెలంగాణ విషయంలో వైఎస్ జగన్ ద్వంద వైఖరి అవలంభించి తెలంగాణ ప్రాంత ప్రజల ఆత్మగౌరవాన్ని దెబ్బకొట్టారని ఆమె వాపోయారు. పార్టీ సమావేశాలకు మొదట పిలిచి తనను కొద్ది రోజులు వైఎస్ విజయమ్మ పక్కన కూర్చోబెట్టి , తర్వాత వేదిక కింద కూర్చోబెట్టారని కొండా సురేఖ ఆరోపించారు. అయితే కొండా సురేఖ మరో విషయాన్ని బయట పెట్టారు. లక్షల కోట్ల సంపాదనే జగన్ అనుసరిస్తున్న విధానమని , జగన్ ను సీఎం చేయడం కోసం మంత్రి పదవిని త్రుణప్రాయంగా వదులకున్నారని కొండా సురేఖ కన్నీళ్లతో మీడియా తెలిపారు. వైఎస్ జగన్ , పార్టీ పై కొండా చేసిన కామెంట్స్ పార్టీలో పెనుదూమరం రేపాయి. ఇక ముందు ముందు కొండా ఎలాంటి విషయాలు బయట పెడతారో చూడాలి.