అమ్మాయిల్ని బాధ పెడితే...

Posted: 07/29/2013 07:12 PM IST

బాలీవుడ్ కింగ్ ఖాన్ షారూఖ్ ఒక హీరోగానే కాకుండా ఒక తండ్రిగా తన కర్తవ్యాన్ని సక్రమంగా నిర్వర్తిస్తున్నాడు. సినీ స్టార్లు ఎప్పుడు విదేశాల్లో షూటింగులు అంటూ ఇంటి పట్టున ఉండే సందర్భాలు చాలా తక్కువ. ఇక భార్య, పిల్లలతో తక్కువ సమయం గడిపే వారు పిల్ల బాధ్యతలను తల్లికి అప్పగిస్తారు. కానీ బాలీవుడ్ బాద్ షా మాత్రం హీరోగా, తండ్రిగా తన బాధ్యతల్ని ఎలా నిర్వర్తిస్తున్నానో ఇటీవల మీడియాతో మాట్లాడుతూ వివరించాడు. ముఖ్యంగా సమాజంలో అమ్మాయిల పై జరుతున్నఅఘాయిత్యాల పై తల్లి తన కొడుక్కు చెప్పిన మంచి విషయాల గురించి చెప్పాడు. ‘ ఏ అమ్మాయి మనసు కూడా నొప్పించకు, వారి గుండె బద్దలయ్యే పనులు చేయకు, వారి పట్ల ఎంతో గౌరవంగా ప్రవర్తించు. మహిళల పట్ల అమర్యాదగా, దారుణంగా ప్రవర్తించకు. ఒక వేళ అలా చేస్తే నీ తల్లి దండ్రులు నిన్ను ఎప్పటికీ క్షమించరు ’ లండన్ లో చదువుతున్న తన కొడుక్కి హితభోద చేశానని చెప్పాడు.  తన కుమారుడ్ని అమ్మాయిల విషయంలో జాగ్రత్తగా పెంచానని, ఒకవేళ కొడుకు తప్పు చేస్తే ఆ బాధ్యత తల్లిదండ్రులదేనని, అందుకే పిల్లల్లి జాగ్రత్తగా పెంచమని చెప్పాడు. ప్రతి హీరో వారి పిల్లలకు ఇలాంటి విషయాల్లో అవగాహన కల్పిస్తూ, ఇలా ప్రచారం చేస్తే సమాజంలో జరిగే అరాచకాలలో కొంతైన మార్పు వస్తుందనటంలో సందేహం లేదు.