కూతుళ్ళ కోసం రాధ కష్టాలు

Posted: 07/06/2013 09:56 PM IST

ఒకప్పుడు వెండి తెరను తన అంద చందాలతో నటనతో, డాన్స్ లతో షేక్ చేసిన నటి రాధ. ఈమె ఆ కాలంలో ఉన్న అగ్ర హీరోలందరి సరసన నటించి మెప్పించింది. తరువాత తన వారసత్వాన్ని కొనసాగించడానికి తన కూతుళ్ళను రంగంలోకి దింపి పెద్ద కూతురు కార్తీకను టాలీవుడ్ మన్మధుడు నాగార్జున కొడుకు నాగచైతన్య సరసన ‘జోష్ ’ సినిమాతో అరంగ్రేటం గ్రాండ్ చేయించింది. ఇటీవలే మణిరత్నం దర్శకత్వంలో కడలి సినిమా ద్వారా చిన్న కూతురు తులసిని వెండితెరకు పరిచయం చేసింది. ఇంత వరకు బాగానే ఉన్నా ప్రస్తుతం వీరి పరిస్థితి అగమ్య గోచరంగా కనిపిస్తుంది. పెద్ద కూతరు కార్తీక మొదటి సినిమా బాక్సాఫీను వద్ద బోల్తా కొట్టడంతో ఈ అమ్మడుకు తెలుగులో అవకాశాలు ఇచ్చేవారు కరువవ్వడంతో తమిళం, మలయాళం వైపు వెళ్లి పోయింది. అక్కడ అడపా దడపా అవకాశాలే వచ్చినా, తమిళంలో వచ్చిన ‘రంగం ’ సినిమా హిట్ అవ్వడంతో ఈమె దశ తిరుతుందని రాధ, కార్తీక భావించారు. ఆ సినిమా తరువాత జూనియర్ ఎన్టీఆర్ ‘దమ్ము ’ సినిమాలో దమ్ములేని క్యారెక్టర్ చేడయంతో ఇక్కడ పూర్తిగా అవకాశాలు మూసుకుపోయాయి. దీంతో తల్లి రాణించిన తమిళ రంగంలోకి వెళ్లి అక్కడ ఎలాంటి పాత్రలైనా చేయాడానికి గ్రీన్ సిగ్నల్ ఇవ్వడంతో దర్శకుడు బాలా ఓ అవకాశం ఇచ్చాడు. అందులో ఒంటి పై రవిక లేకుండా హాట్ హాట్ గా నటించందని టాక్.

ఇక చిన్న కూతురుకి చిన్న వయస్సులోనే  ముఖానికి రంగేపించింది రాధ .‘కడలి ’ సినిమా లో లిప్ లాక్  సీన్లతో సహా చేయించినా కానీ, ఆ సినిమా ఫెయిల్ అవ్వడంతో ఈమెకు అవకాశాలు ఇచ్చేవారు కరువయ్యారు. ప్రస్తుతం ఈమె చేతిలో ఒక్క సినిమా కూడా లేదు. ఇద్దరి కూతుళ్ళ పరిస్థితి ఇలా తయారవ్వడంతో రంగంలోకి దిగిన రాధ తన పాత పరిచయాలను వెలికి తీస్తుందట. తనకు తెలిసిన వాళ్ళతో కూతుళ్ళకు ఛాన్సులు ఇప్పించడానికి ప్రయత్నాలు మొదలు పెట్టిందని తమిళ జనాల టాక్. మరి రాధ చేసే ప్రయత్నాలు ఏ మేరకు ఫలించి కూతుళ్ళకు అవకాశాలు వస్తాయో చూడాలి.