టీఆర్ఎస్ వాళ్ళు ఫిక్సింగ్ కు పాల్పడ్డారు

Posted: 06/08/2013 09:57 AM IST

ఇండియన్ క్రికెట్ లీగ్ లో (ఐపీఎల్)లో స్పాట్ ఫిక్సింగ్ వ్యవహారం ఆటగాళ్ళ నుండి జట్టు యాజమానుల వరకు పాకిన విషయం తెలిసిందే. ఇప్పడు ఈ వ్యవహారం మన రాష్ట్ర రాజకీయాలకు కూడా పాకింది. స్పాట్ ఫిక్సింగ్ కేసు టీఆర్ఎస్ పార్టీకి కూడా పట్టుకుంది. ఈ కేసులో మెల్లిమెల్లిగా కూపీ లాగుతున్న పోలీసులకు భయంకరమైన నిజాలు తెలుస్తున్నాయి. ఇందులో అమీర్ అనే వ్యక్తికి సంబంధం ఉందని పోలీసులు తేల్చారు. కానీ ఆ పేరుకు సంబంధించిన ఆధారాలు ఏమీ దొరక్కపోవడంతో లోతుగా విచారణ చేసిన పోలీసులకు నిజామాబాద్ జిల్లా టీఆర్ఎస్ పార్టీ ఇంఛార్జి షకీల్ పేరు మార్చుకొని బెట్టింగులకు పాల్పడినట్లు వాళ్ళ విచారణలో తేలింది. అయితే అతని ఆచూకీ దొరకపోవడంతో ఈ విషయం అయి కొద్ది రోజుల క్రితం బెంగాల్ పోలీసులు హైదరాబాద్ కి వచ్చి టీఆర్ఎస్ అధినేత కేసీఆర్ ను కూడా కొన్ని విషయాలు అడిగితెలుసుకున్నట్లు సమాచారం.

స్పాట్ ఫిక్సింగ్‌లో షకీల్ కీలక పాత్ర పోషించాడన్న సమాచారం ఢిల్లీ పోలీసులకు కూడా ఉందని, భారీస్థాయిలోనే దీనిపై దర్యాప్తు జరుగుతోందని విశ్వసనీయ సమాచారం. గతంలో ఈయన పాస్ పోర్టు కుంభకోణంలో అరెస్టు అయి విడుదల అయ్యాడు. 2009 ఎన్నికలలో టీఆర్ఎస్ పార్టీ తరుపున పోటీ చేసి ఓడిపోవడంతో ఆయన దుబాయ్ వెళ్లి వ్యాపారం నిర్వహిస్తున్నాడని తెలుస్తుంది. మళ్లీ ఈ మధ్యనే ఇండియాకు వచ్చి, ఐపీఎల్ లో భారీ బెట్టింగులకు పాల్పడ్డాడని తెలుస్తుంది. ఈయన ఆచూకి తెలిసిన వెంటనే అరెస్టు చేసే అవకాశం ఉంది. అయితే ఇందులో ఈ పార్టీ వారికి ఎవరికైనా సంబంధం ఉందా అనే కోణంలో విచారణ కూడా చేస్తున్నట్లు సమాచారం.