Posted: 02/28/2013 02:50 PM IST

ఈ రోజు కేంద్ర ఆర్థిక మంత్రి చిదంబరం పార్లమెంటులో ప్రవేశపెడుతున్న బడ్జెట్ లో పన్నులు, ఇతర ఆర్థిక వ్యవహారాలకు సంబంధించిన అంశాలివి-

1.    ఆదాయ పన్ను స్లాబ్ లలో ఎటువంటి మార్పూ లేదు.
2.    వ్యక్తిగత ఆదాయం సంవత్సరానికి 2.20 లక్షల వరకూ పన్ను లేదు.
3.    2 నుంచి 5 లక్షల లోపు ఆదాయం గల వారికి పన్నులో 2000 రూపాయల రాయితీ.
4.    సంవత్సర ఆదాయం కోటి రూపాయలు, ఆ పైన ఉన్నవారికి 10 శాతం సర్ ఛార్జ్ విధించబడుతుంది.
5.    రాజీవ్ గాంధీ ఈక్విటీ సేవింగ్స్ స్కీమ్ లో ఆదాయ పరిమితిని 10 నుంచి 12 లక్షల వరకూ పెంచబడింది.
6.    ఇంటి కోసం తీసుకున్న (మొదటి) ఋణం మీద వడ్డీ ఆదాయంలోంచి ఒక లక్ష గరిష్ట పరిమితి వరకూ తీసివేయబడుతుంది.
7.    మగ ప్రయాణీకుల 50000 రూపాయల విలువ వరకూ ఆడవాళ్ళు 1 లక్ష రూపాయల విలువ వరకూ సుంకం లేకుండా బంగారాన్ని విదేశాల నుంచి తీసుకుని రావచ్చు.
8.    భారత దేశంలో మొట్టమొదటి మహిళా బ్యాంక్ అక్టోబర్ కల్లా స్థాపించబడుతుంది.
9.    చేనేత కార్మికులకు ఇచ్చే ఋణాల మీద 6 శాతం వడ్డీ మాత్రమే ఉంటుంది.
10.    రాష్ట్రీయ స్వాస్థ్య బీమా యోజన ఆటోలు టాక్సీ డ్రైవర్లకు కూడా వర్తిస్తుంది.
11.    ఢిల్లీలో మహిళ పట్ల జరిగిన అత్యాచారం దృష్ట్యా 1000 కోట్ల రూపాయల నిర్భయ నిధిని ఏర్పాటు చెయ్యబడుతుంది.
12.    14000 కోట్ల రూపాయలను ప్రభుత్వరంగ బ్యాంక్ లలో ప్రవేశపెట్టటానికి కేటాయించబడుతుంది.

ఇక ప్రభుత్వ ఆదాయ విషయానికొస్తే,

1.    పన్నుల రూపంలో 18000 కోట్లు వసూలు చెయ్యబడతాయి. 
2.    స్వచ్ఛంద జమా కార్యక్రమాల ద్వారా పన్నులను కట్టటానికి ప్రోత్సాహం ఇవ్వబడుతుంది.

–శ్రీజ