Posted: 02/21/2013 07:55 PM IST

నగరంలోని దిల్‌సుఖ్‌నగర్‌లో  ఈ రోజు సాయంత్రం రెండు చోట్ల బాంబు పేలుళ్లు జరిగాయి. ఈ ఘటనలో 20 మంది దుర్మరణం చెందగా మరి కొంత మంది తీవ్రంగా గాయపడ్డారు. వెంకటాద్రి, కోణార్క్ థియేటర్లలో జంట పేలుళ్లు జరిగినట్లు తెలియవచ్చింది. పేలుళ్లతో ప్రజలు భయభ్రాంతులకు గురై పరుగులు తీశారు. ఆ సమయంలో తొక్కిలాట జరిగింది. సమాచారం తెలుసుకున్న పోలీసులు బాంబు స్క్వాడ్ సిబ్బందితో సంఘటనా ప్రదేశానికి చేరుకుని తనిఖీలు చేస్తున్నారు. క్షతగాత్రులను సమీప ఆస్పత్రికి తరలించి, సహాయ కార్యక్రమాలు చేపట్టారు. వరుస పేలుళ్లతో అప్రమత్తమైన పోలీసులు నగరంలోని ముఖ్య ప్రాంతాల్లో ముమ్మరంగా తనిఖీలు చేపట్టారు. పూర్తి సమాచారం అందవలసి ఉంది. అత్యంత  రద్దీ ప్రాంతమైన  దిల్ సుఖ్ నగర్ లో బాంబు  పేలుడుతో  సర్వత్రా  భయాందోళనలు  వ్యక్తమవుతున్నాయి.  ఏం జరుగుతుందో అర్థం కాని పరిస్థితుల్లో  స్థానికులు కకావికలమై  పరుగులు పెట్టారు.

 అయితే  బాంబును పోలీసులు గుర్తించారు. పేలుళ్లతో  అప్రమత్తమైన  పోలీసులు  సంఘటనా స్థలంలో  బాబు  నిర్వీర్యదళంతో  గాలింపు చర్యలు చేపట్టారు.   వెంకట్రాది  ధియేటర్  సమీపంలో   ఒక బాంబును  పోలీసులు  గుర్తించినట్లు సమాచారం.  అయితే  ఈ సంఘటనతో   నగరంలోని  ప్రజలు  భీతిచెంది పరుగులు తీశారు.  ఈ క్రమంలోనే తొక్కిసలాట జరిగింది.  జాతీయ రహదారి  కావడంతో  పాటు ..హయత్ నగర్.. తదితర  ప్రాంతాలకు వెళ్లే   మార్గం  కావడంతో  దిల్ సుఖ్ నగర్  ప్రాంతం  ఎప్పుడు  రద్దీగా ఉంటుంది.