Posted: 02/21/2013 06:49 PM IST

రాష్ట్ర పంచాయతీ రాజ్ శాఖ మంత్రి కె. జానా రెడ్డి  తెలంగాణ విషయం లో  ఆచితూచి అడుగులు వేస్తున్నారు.  అటు కేంద్రానికి ఇటు తెలంగాణ ప్రజలకు మద్యవర్తిగా ఉంటూ, తన రాజకీయ భవిష్యత్తును ముందుకు సాగిస్తున్నారు.  తెలంగాణ కోసం  మంత్రులు అందరు రాజీనామాలు చేయాలని  డిమాండ్ వచ్చినప్పుటి  జానా రెడ్డి తెలివిగా తప్పించుకోవటం జరిగింది.  అయితే రాష్ట్రంలో  పంచాయితీ ఎన్నికలకు సిద్దమవుతుంది.  ప్రత్యేక తెలంగాణ సాధనపై తాము వెనక్కు తగ్గలేదని, తెలంగాణ రాష్ట్రం వచ్చి తీరుతుందని రాష్ట్ర పంచాయతీ రాజ్ శాఖ మంత్రి కె. జానారెడ్డి వెల్లడించారు. కేంద్ర ప్రభుత్వం తెలంగాణ ఇస్తుందన్న నమ్మకం ఉందని, సయంమనం పాటిస్తున్నామని ఆయన అన్నారు. తెలంగాణ వచ్చి తీరుతుందని ఆయన ఆశాభావం వ్యక్తం చేశారు. జానారెడ్డి మాట్లాడుతూ తెలంగాణ సాధన కోసం టీ. జెఎసి తలపెట్టిన సడక్ బంద్ ప్రజాస్వామ్య స్ఫూర్తికి నిదర్శనమని ఆయన అన్నారు. సడక్ బంద్ ద్వారా తెలంగాణ జెఎసి ప్రజాస్వామ్య హక్కును వినియోగించుకుంటోందని జానా రెడ్డి అన్నారు.  స్థానిక సంస్థల ఎన్నికలను నిర్వహించి తీరుతామని జానా రెడ్డి చెప్పారు. అయితే, ఎన్నికలు ఎప్పుడనేది ఇప్పుడే చెప్పలేమని అన్నారు. పాతపద్ధతిలోనే స్థానిక సంస్థల ఎన్నికలు జరుగుతాయని, ఈ విషయంలో అపోహలు వద్దని ఆయన అన్నారు. కాగా జానారెడ్డి ముఖ్యమంత్రి కిరణ్ కుమార్ రెడ్డితో సమావేశమయ్యారు. పంచాయతీరాజ్ ఎన్నికలపై వారి మధ్య చర్చ జరిగినట్లు సమాచారం.