Posted: 02/07/2013 01:21 PM IST

టాలీవుడ్ లో ఇప్పుడు మల్టీ స్టారర్ సినిమాల హవా మొదలైందా అంటే ప్రస్తుత పరిస్థితులను బట్టి అవుననే అంటున్నాయి టాలీవుడ్ ఫిలిం వర్గాలు. ఇప్పటికే వెంకటేష్, మహేష్ కాంబినేషన్లో వచ్చిన సినిమా హిట్ అవ్వడంతో మల్టీస్టారర్ లతో సినిమా చేయడానికి దర్శకులు ఆసక్తి చూపుతున్నారు. ఇక తాజాగా సుకుమార్ దర్శకత్వంలో అల్లు అర్జున్, నాగచైతన్యలతో ఓ చిత్రం ప్లాన్ చేశారట. గతంలో సుకుమార్ అల్లు అర్జున్ కాంబినేషన్ లో వచ్చిన ఆర్య సినిమాకి సీక్వెల్ గా ‘ఆర్య -2 ’ తీసి చేతులు కాల్చుకున్న సుకమార్ కి ఆ సినిమా పై ఇంకా మోజు తీరనట్లుంది. అందుకే వీరిద్దరిని ఒప్పించి ‘ ఆర్య – 3 ’ ని తీయడానికి రెడీ అవుతున్నాడు.

ఇప్పటికే దీనికి సంబంధించిన కథా చర్చలు పూర్తి అయ్యాయని, హీరోయిన్ గా సమంతాని తీసుకోనున్నారని, దిల్ రాజు బ్యానర్ లో ఈ సినిమా రూపొందబోతుందని టాలీవుడ్ వర్గాల సమాచారం. ఇక సుకుమార్ అల్లు అర్జున్, నాగచైతన్యలకు మంచి హిట్ అందించాడు. ఇప్పుడు వీరిద్దరిని పెట్టి సినిమా తీస్తే బాగుంటుందని భావించి ఒప్పించాడని అంటున్నారు. దీనికి సంబంధించి అధికారిక ప్రకటన త్వరలో వెలువడబోతుందని అంటున్నారు. ప్రస్తుతం అల్లు అర్జున్ ‘పూరి జగన్నాథ్ ’ సినిమాతో, నాగచైతన్య ఆటోనగర్ సూర్యలో బిజీగా ఉన్నారు.