Posted: 02/07/2013 09:42 AM IST

తెలంగాణ రాష్ట్రసమితి అధినేత కల్వకుంట్ల చంద్రశేఖర్ రావు తెలంగాణ భవన్ లో ఆయన అధ్యక్ష తన జరిగిన పార్టీ విస్తృత స్థాయి సమావేశం జరిగింది. ఈ సమావేశంలో ఆయన పార్టీ కార్యకర్తలకు, పార్టీ శ్రేణులకు దిశా నిర్థేశం చేశారు. ఈ సమావేశానికి తెలంగాణ పార్టీకి చెందిన ముఖ్యనేతలు హాజరయ్యారు. కాంగ్రెస్ పార్టీ తెలంగాణ ఇవ్వకుండా డ్రామాలు ఆడుతుందని, ఈ తెలంగాణ పంచాయితీని తెంచేలా లేదని 2014 లోపే ప్రభుత్వం పడిపోవచ్చని, త్వరలో మధ్యంతర ఎన్నికలు రావచ్చని, కాబట్టి నిరంతరం అప్రమంత్తంగా ఉండాలిని ఆయన సూచించినట్లు సమాచారం. 2014లో వంద అసెంబ్లీ, 15 ఎంపీ స్థానాలనే లక్ష్యంగా పెట్టుకొని బరిలోకి దిగాలనుకుంటున్న టీఆర్ఎస్ మధ్యంతర ఎన్నికలు వస్తే, అందులో కూడా ఇదే ఫిగర్ ని ఫాలో అవ్వాలని ఆయన సూచించినట్లు సమాచారం. ఇక సమావేశంలో ఉద్యమ కార్యచరణను కూడా ప్రకంటించారు.

టీఆర్ఎస్  ప్రస్తుతం చేస్తున్న పల్లెబాట కార్యక్రమాన్ని మరిన్ని రోజులు పొడగిస్తూ, మార్చి 21 వరకు చేయాలని నిర్ణయించారు. తదనంతరం పల్లెబాట నివేదికలను అందజేయాలని ఆయా జిల్లాల నేతలకు సూచించారు. మార్చి 2న విజయవాడ రహదారి దిగ్బంధ కార్యక్రమాన్ని జేఏసీతో మాట్లాడి వాయిదా వేయిద్దామని పార్టీ శ్రేణులతో కేసీఆర్‌ అన్నట్లు సమాచారం. ఫిబ్రవరి 24న జరిగే కర్నూలు జాతీయ రహదారి దిగ్భంధనంలో పాలమూరు జిల్లా నేతలు, కార్యకర్తలు పెద్ద ఎత్తున పాల్గొనాలని కేసిఆర్‌ పిలుపు నిచ్చారని సమాచారం. పల్లెబాట, బస్తీబాట పేరిట జనంలోకి వెళ్లిన గులాబీ దళపతి, మరోసారి క్షేత్రస్థాయి పర్యటనలకు సిద్ధమవుతున్నారు. పార్టీ కమిటీల ఏర్పాటు పూర్తయ్యాక యాత్ర షెడ్యూల్ ఖరారు చేయాలని టీఆర్ఎస్ నిర్ణయించింది. అన్నీ అనుకున్న ప్రకారం జరిగితే..వచ్చే ఏప్రిల్‌లో కేసీఆర్ బస్సు యాత్ర ప్రారంభించనున్నారు. ఈ వ్యూహంతో వెళితే ఎన్నికలలో టీఆర్ఎస్ పుంజుకోవడం ఖాయం అనే ఆశాభావం పార్టీ వర్గాలు వ్యక్తం చేశాయి.