Posted: 12/08/2012 06:11 PM IST

చిన్న పిల్లలను తమ తల్లిని మెప్పించడానికి అనేక విన్యాసాలు  చేస్తుంటారు.  కొందరు  పనిలో  సాయం చేస్తుంటారు. మరొకొందరు బాగా చదివి మెప్పిస్తుంటారు. ఇంకొందరు పొగిడి కావలసిన  పనలు సాధిస్తుంటారు. ఇప్పుడు అమ్మదగ్గర అదే జరుగుతుంది.  అమ్మ అంటే అందరికి అమ్మ కాదులేండి? కాంగ్రెస్ నాయకులకు మాత్రమే అమ్మ. ఆ అమ్మ మెప్పుకోసం రాజకీయనాయకులు పోటీలు పడుతుంటారు. అలాంటి వారిలో  మన రాష్ట్ర సిఎం కిరణ్ కుమార్  ఒకరు అని రాజకీయ విశ్లేషకులు చెబుతున్నారు. ఎందుకు కంటే అమ్మ అనుగ్రహంతోనే ఆయనకు సిఎం పదవి వచ్చిన విషయం  అందరికి తెలిసిందే. అయితే  సిఎం ఈరోజు ఢిల్లీ వెళ్లిన విషయం మీడియా ద్వారా తెలిసింది. అయితే ఆయన అంత సడన్ గా ఢిల్లీకి ఎందుకు వెళ్లినట్లు  అని రాజకీయ నాయకులు చెవులు కొరుక్కుంటున్నారు. రేపు డిసెంబర్ 9 . అంటే  డిసెంబర్ 9 అంటే  రాష్ట్ర ప్రజలకు గుర్తుకు వచ్చేది. కేసిఆర్ నిరాహార దీక్ష, చికట్లో చెప్పిన చిదంబరం మాటలు. కానీ ఇవి కాకుండా కాంగ్రెస్ నాయకులు బాగా తెలుసు. డిసెంబర్ 9 అంటే.  కాంగ్రెస్ పార్టీ అధినేత సోనియా గాంధీ పుట్టిన రోజు.  అందుకోసం మన రాష్ట్ర సిఎం ఢిల్లీకి వెళ్లినట్లు తెలుస్తోంది.  అమ్మ అనుగ్రహం కోసం సీఎం కిరణ్  కసరత్తు చేస్తున్నారు. మన రాష్ట్రానికి ముఖ్యమంత్రి అయిన అమ్మ ముందు అబ్బాయే కదా? అందుకే మన సీఎం అమ్మ వద్దకి వెళ్లి  సాష్టాంగం  నమస్కారం చేస్తున్నాడని  ఢిల్లీ నాయకులు అంటున్నారు.   ఎంత జన బలం, ధనబలం ఉన్నా, రాష్ట్రాల్లో శాసించే స్థాయిలో  ఉన్నా తమ పై వారి వద్దకు వెళ్లిన సీఎం కిరణ్ కుమార్  సిగ్గుపడకుండా.. అమ్మ పాదాలకు నమస్కారం చేశారు.  అలా చేయటం  ఆత్మగౌరవానికి  భంగంగా భావించరు,  తమ పదవులు కాపాడుకునేందుకు అని రాజకీయ పార్టీలు అంటున్నాయి. డిసెంబర్ 9 న కాంగ్రెస్ అధినేత్రి సోనియాగాంధీ జన్మదినం సందర్భంగా ఆమెకు జన్మదిన శుభాకాంక్షలు తెలిపేందుకే ఆయన హస్తినకు వెళ్లినట్లు  సీఎం కార్యాలయ వర్గాలు తెలిపాయి. అయితే ఇదే సమయంలో తెలంగాణపై అఖిల పక్ష సమావేశం విషయాన్ని కూడా కాంగ్రెస్ అధిష్టానంతో చర్చించే అవకాశం ఉందని సమాచారం.