Posted: 11/28/2012 01:52 PM IST

వైఎస్ఆర్ కాంగ్రెస్ పార్టీ ఆదర్వయంలో  వైఎస్ జగన్ చెల్లెలు షర్మిల రాష్ట్రంలో పాదయాత్ర చేస్తున్న విషయం తెలిసిందే. షర్మిల చేసే పాదయాత్రతో  రాష్ట్రంలో  కొత్త రాజకీయం పుంతలు తొక్కుతుంది. అన్నీ పార్టీలు  పాదయాత్రల మీద మనసు పెట్టారు.  షర్మిల పాదయాత్ర తెలంగాణలో జరుగుతున్న విషయం తెలిసిందే. తెలంగాణలో జరుగతున్న పాదయాత్రలో షర్మిలో  టీఆర్ఎస్ పార్టీ అధినేత  కె. చంద్రశేఖరరావు పై విమర్శల దాడి చేశారు.  ఓబులాపురం, బయ్యారం గనుల్లో  మాకు వాటా  ఉందని  నిరుపిస్తారా? కేసిఆర్ కు దమ్ముంటే  నిరూపించాలని  ఆమె సవాల్ విసిరారు. అంతేకాకుండా  ఒక వేళ  గనుల్లో మాకు వాటా లేదని  మేము నిరూపిస్తే .. కేసిఆర్  మావద్దకు వచ్చి మా కాళ్లు, చేతులు పట్టుకుని క్షమాపణ చెప్పే సంస్కారం  మీకు ఉందా ? అని షర్మిలా సవాల్ విసిరారు.  షర్మిలా పాదయాత్రలో కేసిఆర్ టార్గెట్ చేసుకోని  సవాల్ విసిరినట్లు తెలుస్తోంది.  ఈ గనులతో  తమకు ఎలాంటి సంబంధం లేదని  ఎన్ని సార్లు చెప్పినా..పదే పదే  ఆరోపణలు  చేస్తున్నారని  షర్మిలా ఆగ్రహం వ్యక్తం చేశారు. ఢిల్లీలో  నెలరోజులు మకాం వేసిన కేసిఆర్,  ప్యాకేజీ  కుదరకపోవడంతోనే  వెనక్కు వచ్చారని  వైసీపీ నాయకురాలు కొండా సురేఖ   ఆరోపించారు.   కేసిఆర్  వంద సీట్లు సాధిస్తే  తెలంగాణ ఎలా తెస్తారని ప్రశ్నిస్తే  ఇప్పటి వరకు  సమాధానం లేదని ఆమె విమర్శించారు. తమ పార్టీలోకి భారీగా  వలసలు ఉంటాయని, తర్వలోనే టీఆర్ఎస్ ఖాళీ అవుతుందని సురేఖ అన్నారు.  షర్మిలా విసిరిన సవాల్ కు కేసిఆర్ ఎలా సమాధానం చెబుతాడో? లేక షర్మిలా కాళ్లు పట్టుకుని  క్షమాపణ చెబుతారో వేచి చూడాలి?  షర్మిలా కౌంటర్ కు టీఆర్ఎస్ లో ప్రకంపనాలు ఎలా వస్తాయో? చూడాలి మరీ.