Posted: 11/22/2012 11:20 AM IST

ఉగ్రవాది అజ్మల్ కసబ్ ఉరితీత పై దేశం ప్రజలు హర్షం వ్యక్తం చేశారు.  ముంబయిలో నరమేథానికి  పాల్పడిన  సరరూప రాక్షసుడు , పాకిస్థాన్  ఉగ్రవాది  మొహమ్మద్  అజ్మల్  మొహమ్మద్  అమీర్  కసబ్ (25)ను పుణేలోని ఎరవాడ  కేంద్ర కారాగారంలో  బుధవారం ఉదయం 7.30 ని.లకు ఉరి తీసినట్లు  మహారాష్ట్ర హోంమంత్రి  ఆర్. ఆర్. పాటిల్  ప్రకటించారు.  అయితే కసబ్ మ్రుతదేహాన్ని  ఎరవాడ  కారాగారం  ఆవరణలోనే  ఖననం చేసినట్లు  మహారాష్ట్ర ముఖ్యమంత్రి   చవాన్  చెప్పారు. అయితే కసబ్ ను ఉరి తీసిన తలారీ ఎవరు?  ఆయనకు ఎంత డబ్బు ఇచ్చారు.  ఎరవాడా జైల్లో  కసబ్ ను ఉరి తీసిన  తలారీకి రూ. 5వేలు చెల్లించినట్లు తెలుస్తోంది.  అయితే వ్యక్తి  వివరాలను  మాత్రం గోప్యంగా  ఉంచారు.  ఆపరేషన్ ఎక్స్  పేరిట  రహస్యంగా  నిర్వహించిన  కసబ్ ఉరి కార్యక్రమాన్ని చివరి నిమిషం వరకు తలారీకి  కూడా తెలియనివ్వలేదు.  కసబ్ ను  ఉచితంగా  ఉరి తీస్తామంటూ  అనేకమంది మహారాష్ట్ర సర్కారుకు తమ సంసిద్దత వ్యక్తం చేసిన సంగతి  తెలిసిందే.

అయితే గతంలో  తలారీకి రూ. 10 వేలు ఇచ్చావారట.  కానీ ఇప్పుడు  అదీ అయిదు వేలు  అయిందని పోలీసు వారు అంటున్నారు.  డబ్బు తీసుకోకుండా  కసబ్ ను  ఉరి తీస్తామంటూ  అనేక మంది  ముందుకొచ్చారు.  కానీ, అధీక్రుత  వ్యక్తితోనే  ఈ పని చేయించాలని  ప్రభుత్వం నిర్ణయించిందని మహారాష్ట్ర హోం మంత్రి ఆర్.ఆర్.పాటిల్  చెప్పారు.  కసబ్ కంటే  ముందు  1995 లో ఓ వ్యక్తిని ఉరి తీసినట్లు  తెలిపారు.  స్వాతంత్ర్యం  వచ్చిన తర్వాత  మహారాష్ట్రలో  ఇప్పటి వరకు  17 మంది దోషులను  ఉరి తీసినట్లు వెల్లడించారు.