Chief Electoral Officer Bhanwarlal

Posted: 05/08/2012 06:18 PM IST

ఉప ఎన్నికలు జరుగుతున్నందున ఎవరైనా కులమతాల గురించి మాట్లాడితే కఠిన చర్యలు తీసుకుంటామని రాష్ట్ర ఎన్నికల ప్రధానాధికారి భన్వర్‌లాల్ హెచ్చరించారు. సచివాలయంలో వైఎస్‌ఆర్ కాంగ్రెస్ పార్టీ నేతల ఫిర్యాదుపై ఆయన స్పందించారు. తమకు క్షేత్రస్థాయి నుంచి సమాచారం వస్తోందని, సీఎం పర్యటన సందర్భంగా గుడిలో బ్యానర్లు కట్టిన ఆధారాలు తమకు వచ్చాయని తెలిపారు. ఎవ్వరూ ఎన్నికల నిబంధనలను ఉల్లంఘించవద్దని చెప్పారు. తిరుపతి టీడీపీ అభ్యర్థి చర్చిలో ప్రార్థన చేసిన సమాచారం కూడా తమ సిబ్బంది పంపారని, ఆధారాల సేకరించే పనిలో ఉన్నామని చెప్పారు. కాగా, ఉప ఎన్నికల నేపథ్యంలో రాష్ట్ర ఎన్నికల కమిషన్ పదిమంది నోడల్ అధికారులను నియమించింది. జూన్ 12న జరగనున్న ఉప ఎన్నికల కోసం వీరికి సంపూర్ణ అధికారాలిచ్చినట్లు ఈసీ ఒక ప్రకటనలో తెలిపింది.