Posted: 02/14/2012 10:54 AM IST

కాంగ్రెస్ యువనేత్రి ప్రియాంక గాంధీ కాంగ్రెస్ పాలిత రాష్ట్రాల జాబితాలో మధ్యప్రదేశ్ పేరు చేర్చేసి...ఆనక తప్పుదిద్దుకున్నారు. యూపిలో అధికారంలో ఉన్న బిఎస్పీ ప్రభుత్వం అభివృద్ధిని పూర్తిగా నిర్లక్ష్యం చేసిందని ఆమె ధ్వమెత్తారు. ఇరవై రెండేళ్ళ కాంగ్రెసేతర పార్టీల పాలనలో ఉత్తరప్రదేశ్ వెనకబడిపోయిందని అంటూ కాంగ్రెస్ అధికారంలో ఉన్న ఆంధ్రప్రదేశ్, మధ్యప్రదేశ్, మహారాష్టల్రో అభివృద్ధి శరవేగంతో సాగుతుందని అనేశారు. ఈ మూడు రాష్ట్రాలు ప్రగతిపథంలో పయనిస్తుంటే ఉత్తరప్రదేశ్ మాత్రం ఎదుగూబొదుగూలేకుండా పోయిందని విరుచుకుపడ్డారు. అయితే కాంగ్రెస్ పాలిత రాష్ట్రాల జాబితాలో తమకు బద్ధశత్రువైన బిజెపి అధికారంలో ఉన్న మధ్యప్రదేశ్ పేరు అనేసి తడబడ్డారు. వెంటనే తప్పుదిద్దుకున్నారు. పొరపాటున మధ్యప్రదేశ్ పేరు చెప్పానని ఆమె వివరణ ఇచ్చుకున్నారు. ఎంపిలో మంచి ప్రభుత్వం లేదని ప్రియాంక అంటున్నప్పుడు ఆమె ముఖం లో చిరునవ్వు కనిపించింది. ‘మధ్యప్రదేశ్‌లో మంచి ప్రభుత్వం లేదు. తొందర్లో తాను ఆ రాష్ట్రం పేరు పొరపాటున అనేశాను. నా ఉద్దేశం కాంగ్రెస్ పాలిత రాష్ట్రాలైన ఆంధ్రప్రదేశ్, మహారాష్టల్ర అభివృద్ధి గురించి చెప్పాలని. అంతేగాని మధ్యప్రదేశ్ కాదు’ అన్నారామె. బిఎస్పీ పాలనలో ప్రజలు అష్టకష్టాల పడుతున్నారని యువనేత్రి ఆరోపించారు. కేంద్ర ఇస్తున్న నిధులు సద్వినియోగం కాలేదని ఆమె నిందించారు.