ITEMVIDEOS: జోరువాన కురుస్తున్నా.. ఆ అన్నంపై అతడి పేరు రాసుందీ.. కాదంటారా.?

Posted: 09/14/2022 08:50 PM IST

Viral video poor man eats in the rain in a heartwarming clip internet is in tears

ఆకలి రుచి ఎరుగదు.. నిద్ర సుఖం ఎరుగదు అని పెద్దలు ఎప్పుడో చెప్పారు. అయితే ఇది సాధారణ విషయంలో నిజం కావచ్చును కానీ.. జోరుగా కురుస్తున్న వర్షంలో.. వరుణుడు దాపులేని వాటంన్నింటీనీ స్వాహా చేస్తున్న క్రమంలో.. ఈ అన్నం నాది.. దీనిపై నా పేరు రాసివుంది.. అన్నట్లుగా ఓ వ్య‌క్తి ఆహారం తీసుకుంటున్న వీడియో ఆన్‌లైన్‌లో వైర‌ల్‌గా మారింది. ప్రతీ అన్నం మెతుకుపై తినేవాడి పేరు రాసిఉంటుందని ఉర్ధూలో ‘‘ధానే ధానే ఫర్ లిఖ్ కే రహతాహై ఖానేవాలా కా నామ్’’ అని ఓ నానుడి ఉంది. నెట్టింట్లో వైరలవుతున్న ఈ వీడియోను చూసినవారు కన్నీళ్లను చమర్చుతూ కాదనలేకుండా ఉండలేరు.

కుడి చెత్తే తింటూ.. ఎడమ చేత్తో కూడా కాకిని కొట్టలేని వారినైనా ఈ వీడియో కంటిత‌డి పెట్టేలా చేస్తోంది. పేదలకు ఓ పూట అన్నం పెట్టేలా చేస్తోంది. దేశంలో అన్నమో రామచంద్రా అంటూ అంగలార్చే జీవుల కథలను, వ్యధలను కళ్లకు కట్టినట్టు.. నయా ప్రపంచంలో బతుకుతూ.. అందమైన కళలు కంటూ.. అదే లోకమని భావించే మేధోసంపత్తి కలిగిన మహనీయులకు కూడా ఈ వీడియో.. కోటి విద్యలు కూటి కోరకే అన్న సత్యాన్ని మరోమారు అవిష్కరింపజేస్తోంది. ఇంతకీ ఈ వీడియోలో ఉన్నది ఏమిటీ.? అంటే.. జోరు వర్షంలో ఓ వ్య‌క్తి తనకు లభించిన ఆహారాన్ని వరుణుడు స్వాహా చయకుండా ప్లేట్‌ను స్కూట‌ర్ కింద ఉంచి తిన‌డం క‌నిపిస్తుంది.

జింద‌గి గుల్జార్ హై అనే పేజ్ ట్విట్ట‌ర్‌లో ప్ర‌స్తుతం వైర‌ల్ అవుతున్న వీడియోను షేర్ చేసింది. ఈ షార్ట్ క్లిప్‌లో వ్య‌క్తి జోరు వాన‌లో క‌డుపు నింపుకునేందుకు స్కూట‌ర్ కింద ఉంచిన ప్లేట్ నుంచి ఆహారం తిన‌డం అంద‌రి హృద‌యాల‌ను క‌లిచివేస్తోంది. ఓ జీవిత‌మా..నీ మీద నాకెన్నో ఫిర్యాదులున్నా ఈ స‌న్నివేశం చూడ‌గానే వాట‌న్నింటినీ వ‌దిలేశాన‌ని పోస్ట్‌కు క్యాప్ష‌న్‌గా ఇవ్వ‌డం అంద‌రినీ క‌దిలిస్తోంది. ఇది చాలా బాధాక‌రం..దీన్ని వ‌ర్ణించేందుకు మాట‌ల్లేవ్ అని ఓ యూజ‌ర్ కామెంట్ చేయ‌గా ఆక‌లి ఎంత కిరాత‌క‌మైందో అని మ‌రో యూజ‌ర్ రాసుకొచ్చారు.

बड़ी शिकायत थी तुझसे ऐ ज़िन्दगी
लेकिन जब ये मंजर देखा तो सारी शिकायत छोड़ दी हमनेpic.twitter.com/gJ651OSCJn
— ज़िन्दगी गुलज़ार है ! (@Gulzar_sahab) September 11, 2022