మూడో ప్రపంచ యుద్ధానికి సంబంధించి అసలైన ముప్పు ఇప్పుడు ప్రారంభం కాబోతోందని రష్యా సంచలన వ్యాఖ్యలు చేసింది. ఉక్రెయిన్ కు మరిన్ని ఆయుధాలను పంపే విషయమై తన మిత్ర దేశాలతో అమెరికా ఈరోజు సమావేశం కాబోతోంది. ఈ నేపథ్యంలోనే రష్యా తీవ్ర వ్యాఖ్యలు చేసింది. ఇప్పటికే పశ్చిమ దేశాల నుంచి ఉక్రెయిన్ కు భారీ ఎత్తున ఆయుధాలు, యుద్ధ సామగ్రి అందాయి. వీటితోనే రష్యా సేనలను ఉక్రెయిన్ నిలువరించే ప్రయత్నం చేస్తోంది. పెద్ద సంఖ్యలో రష్యా యుద్ధ విమానాలు, ట్యాంకర్లను ధ్వంసం చేసింది. వేలాది మంది రష్యా సైనికులను చంపేసింది.
అదిచాలదన్నట్లు ఇప్పుడు భారీ ఎత్తున ఆయుధాలను ఉక్రెయిన్ కు పంపాలని అమెరికా, పశ్చిమ దేశాలు డిసైడ్ అయ్యే పరిస్థితి రావడంతో అణ్వస్త్ర దేశమైన రష్యా ఆగ్రహం వ్యక్తం చేసింది. రష్యా విదేశాంగ మంత్రి సెర్గీ లావ్రోవ్ రష్యన్ మీడియాతో మాట్లాడుతూ తీవ్ర హెచ్చరికలు జారీ చేశారు. మూడో ప్రపంచ యుద్ధం వచ్చే అవకాశాలున్నాయని వార్నింగ్ ఇచ్చారు. 'ఇది ముమ్మాటికీ నిజం. మా హెచ్చరికలను తక్కువగా అంచనా వేయొద్దు' అని అన్నారు. తమకు శక్తిమంతమైన ఆయుధాలను ఇవ్వాలని పశ్చిమ దేశాలను ఉక్రెయిన్ అధ్యక్షుడు జెలెన్ స్కీ అడుగుతున్నారు. జెలెన్ స్కీ అడుగుతున్న వాటిలో యుద్ధ విమానాలు, భారీ ఫిరంగులు వంటివి ఉన్నాయి.
తాజాగా ఉక్రెయిన్ కు 700 మిలియన్ డాలర్ల సాయం అందిస్తామని అమెరికా ప్రకటించింది. మరోవైపు నాటో దేశాలు ఉక్రెయిన్ కు ఫైటర్ జెట్లను, యుద్ధసామగ్రిని అందిస్తున్నాయి. ఇప్పుడు ఉక్రెయిన్ కు మరిన్ని ఆయుధాలను పంపే దిశగా అమెరికా అడుగులు వేస్తుండటం రష్యాకు ఆగ్రహాన్ని తెప్పిస్తోంది. యుద్ధం తీవ్రంగా మారుతుందని హెచ్చరించింది. అసలైన మూడో ప్రపంచ యుద్ధం దగ్గరపడిందని వార్నింగ్ ఇచ్చింది. మరోవైపు పరిస్థితి చేజారే పరిస్థితే వస్తే... అణ్వస్త్రాలను వాడటానికి కూడా రష్యా వెనకడుగు వేయకపోవచ్చని నిపుణులు అంచనా వేస్తున్నారు. అదే జరిగితే కచ్చితంగా మూడో ప్రపంచ యుద్ధం వస్తుంది.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more