ITEMVIDEOS: అరుదైన స్నేహం: మేకపిల్లతో కోతిపిల్ల దోస్తీ.. వీడియో వైరల్..

Posted: 09/28/2021 06:55 PM IST

13 million views for this adorable video of baby monkey riding a goat

జాతీ వైరం కూడా మరిచి కొన్ని సందర్భాలలో శునకాలు, పిల్లులు కలసి ఒకే ఇంట్లో స్నేహితుల మాదిరిగా మొలుగుతూ కనిపిస్తుంటాయి. అలాంటి దృష్యాలు చూసినప్పుడు.. అక్కడే కొంత సమయం గడిపినా తప్పు లేదనిపిస్తోంది. ఇక మేక, కోతి మధ్య ఎలాంటి జాతి వైరం లేదు. అధిపత్య పోరూ ఉండదు. అయితే వాటి మధ్య స్నేహం కూడా పెద్దగా కనిపించదు. అనుకుంటున్నారా..? కానీ ఉంది. ఈ రెండు జీవుల మధ్య స్వచ్ఛమైన స్నేహం కనిపిస్తుంది ఈ వీడియోలో. ఔనా అంటారా.. ఈ వీడియో ఇప్పటికే నెట్టింట్లో పెను సందడి చేస్తోంది.

అడవుల్లో తీసిన ఈ వీడియో ఇప్పుడు నెట్ జనులు అమితంగా ఇష్టపడుతున్న వీడియోగా మారింది. ఎంతలా అంటే ఈ వీడియోను నెట్టింట్లో పోస్టు చేసిన కొన్ని గంటల వ్యవధిలోనే కోటి మందికి పైగా వీడియోను వీక్షించారు. ఎందరెందరో షేర్ చేయడం, లైకులు కొట్టడం. మరికోందరు కామెంట్లు పెట్టడంతో ఈ వీడియో నెట్టింట్లో ప్రస్తుతం ట్రెండింగ్ గా మారింది. వీడియో పోస్టు చేసిన ఒక్క రోజులో 13మిలియన్ వ్యూస్ దక్కించుకోవడంతో పాటు 5లక్షల 34వేల లైకులు దక్కించుకుంది. పైగా దీనిని లక్షా 5సార్లు రీట్వీట్ చేశారు.తనపై అభిమానంతో తెచ్చిన పండ్లను స్నేహితుడైన కోతితో పంచుకునేందుకు పరిగెత్తుకొచ్చింది మేక. అది కూడా కోతిని ఎక్కించుకుని అక్కడకు తీసుకొచ్చింది.

చేతిలో బెర్రీ పండ్లను వేసుకుని మేకను పిలిచిన వ్యక్తి మెడలో కోతిని వేలాడేసుకుంటూ వస్తున్న మేకను చూసి ఆశ్చర్యపోయాడు. అతని చేతుల్లో ఉన్న బెర్రీ పండ్లను మేక నోటికి అందించాడు. అంతే ప్రేమగా వాటిని తీసుకుని తింటున్న మేకను చూసి కోతి కొంత సందిగ్ఘతకు గురైంది. కాసేపటి తర్వాత వాటినీ దగ్గరగా చూపడంతో అవి బెర్రీలని తెలిసి తాను ట్రీట్ లో జాయిన్ అయ్యింది. తాను కూడా ఓ బెర్రీ పండును తీసుకుని తన స్నేహితుడిపై కంఫార్టుగా కూర్చుని తినింది. రెండు సాధు జంతువుల మధ్య స్నేహానికి.. అవి అంత చొరవగా మనిషి నుంచి బెర్రీలు తీసుకుని తినడం చూసి నెటిజన్లు సంతోషం వ్యక్తం చేస్తున్నారు.