ITEMVIDEOS: బావిలో బిగ్ ఫైట్: చిరుతపులి vs మార్జాలము.. గెలుపెవరిదీ.?

Posted: 09/06/2021 07:46 PM IST

పిల్లి పిల్లలా వున్నావు కూన.. వెళ్లిపో అంటూ అప్పడప్పుడూ వయస్సులో పెద్దవారు చిన్నారులను మందలిస్తుంటారు. చిన్నపిల్లలు తలకుమించిన పనులు చేసినా.. లేక సాహసాలు చేయబూనినా.. వారిని ఇలా మందలించి పంపడం పెద్దలకు అలవాటే. అయితే ఇదే పెద్దవాళ్లు చిరుతను చేస్తూ తడిపేసుకుని ప్రాణాలను కాపాడుకోవడానికి పరుగులు పెడతారు. కానీ నిజంగా అదే పిల్లి ఇలా జరిగితే.. ఏం చేయగలదో.. ఎలా చిరుతను కూడా ఎదర్కొనగలదో తెలుసా.? ఈ వీడియో చేస్తే.. మీకే అర్థమవుతుంది.

మ‌హ‌రాష్ట్ర‌లోని నాసిక్ జిల్లాలో ఒక గ‌మ్మ‌త్తైన ఘ‌ట‌న చోటుచేసుకుంది. నాసిక్ శివార్లలోని అటవీ ప్రాంతంలో ఓ చిరుత‌పులి మార్జాలము వెంట పడింది. దానిని ఎలాగైనా వేటాడి తినాలని భావించింది. అంతే అనుకున్నదే తడవుగా ఒక ఉదుటున ముందకు అడుగేసి.. మార్జాలన్ని చేధించేందుకు పరుగుతీసింది. ఇది గమనించిన పిల్లి దాని బారి నుంచి త‌ప్పించుకునేందుకు పరుగుతీసింది. అంతే ఇలా ఒకదాని వెంట మరోకటి పరుగులు పెడుతూ రెండూ లోతైన‌ బావిలో ప‌డ్డాయి. నీళ్ల‌లో ప‌డిన వెంట‌నే పిల్లి బావిలోప‌లి గ‌ట్టుపైకి చేరింది.

అంత‌కుమించి ఎటూ వెళ్లే దారిలేక చిరుత‌కు చిక్కిన‌ట్లేన‌ని పిల్లి భ‌యంతో వ‌ణికిపోయింది. ఇంత‌లో చిరుతపులి కూడా నీళ్ల‌లోంచి బావిలోప‌లి గ‌ట్టుపైకి చేరింది. వ‌చ్చీరావ‌డంతోనే పిల్లిపై దాడికి య‌త్నించింది. దాంతో గ‌డ‌గ‌డ వ‌ణుకుతూనే పిల్లి రెండు కాళ్ల‌పై నిల‌బ‌డి ముందు కాళ్ల‌తో చిరుత‌కు దండం పెట్టినంత ప‌నిచేసింది. దాంతో పులి కూడా దాన్ని వేటాడ‌కుండా వ‌దిలేసింది. ఈ ఫ‌న్నీ ఘ‌ట‌న‌కు సంబంధించిన 16 సెక‌న్ల‌ నిడివిగ‌ల వీడియో ఇప్పుడు సోష‌ల్ మీడియాలో వైర‌ల్‌గా మారింది. పిల్లి భ‌యంతో గ‌డ‌గ‌డ‌ వ‌ణికిపోవ‌డం, చిరుత జాలిచూప‌డం నెటిజ‌న్ల‌ను తెగ ఆక‌ర్షిస్తున్న‌ది. కింది వీడియోలో ఆ ఫన్నీ దృశ్యాల‌ను మీరు కూడా వీక్షించండి..

#WATCH | Maharashtra: A leopard and a cat come face-to-face after falling down a well in Nashik

"The leopard fell in the well while chasing the cat. It was later rescued and released in its natural habitat," says Pankaj Garg, Deputy Conservator of Forests, West Nashik Division pic.twitter.com/2HAAcEbwjy

— ANI (@ANI) September 6, 2021