దేశంలోనే తొలిసారిగా తెలంగాణ రవాణా శాఖ తీసుకున్న కీలక నిర్ణయం వల్ల వాహనదారులకు తిప్పలు తప్పనున్నాయి. వాస్తవానికి వాహనదారులు లైసెన్స్ తీసుకోవాలన్నా.. రెన్యూవల్ చేసుకోవాలన్నా.. వాహనం రిజిస్ట్రేషన్ చేసుకోవాలన్నా.. వారు పడే ఇబ్బందులు అన్నీఇన్నీకావు. వీటిని తీసుకునేందుకు చేతి చమురు వదలించుకోవడమే కాదు.. చాలా వ్యయప్రయాసలు పడాల్సి వచ్చేది. రవాణ శాఖ పరిధిలోని ఆర్టీఏ కార్యాలయాల్లోకి వెళ్లగానే ప్రతి దానికో రేటును అక్కడి దళారులు నిర్ణయిస్తుంటారు. వాస్తవానికి రూ.వెయ్యి లోపే అయ్యే పనికి దళారులు రూ.3 వేల నుంచి రూ.5వేల వరకు వసూలు చేస్తారు. మనం ఆ పని చేసుకుంటే రూ.వెయ్యి లోపే ఖర్చవుతుంది. కానీ ఆ పని ఏలా చేసుకోవాలి?, ఎవరితో సంతకం చేయించాలి? అనే విషయం తెలియదు. ఒకవేళ తెలిసి.. అక్కడి సిబ్బంది మనకు సహకరించని పరిస్థితి. దీంతో ఆర్టీఏ కార్యాలయంలో దళారులే రాజ్యం ఏలుతున్నారు.
వీటన్నింటన్ని గమనించిన తెలంగాణ ప్రభుత్వం కీలక నిర్ణయం తీసుకుంది. వాహనదారులు ఇక నుంచి ఏలాంటి ఇబ్బందులు పడకుండా ఉండేందుకు ఆన్లైన్లోనే పలు రకాల సేవలను పొందేందుకు నిర్ణయం తీసుకున్నారు. ఈ నిర్ణయం దేశంలోనే తొలిసారి కావడం గమనార్హం. వాహనదారులు ఆన్లైన్లో లెర్నింగ్ లైసెన్సు, డ్రైవింగ్ లైసెన్సు, బ్యాడ్జి, సాధారణ పత్రాల స్థానంలో స్మార్ట్ కార్డులు వంటి ఐదు రకాల సేవలను ఆన్లైన్లో పొందే వెసులుబాటు రవాణ శాఖ కల్పించింది. అందుకు సంబంధించిన వెబ్సైట్ను రవాణ శాఖ మంత్రి పువ్వాడ అజయ్ కుమార్ శుక్రవారం ప్రారంభించారు. దీనికితోడు భవిష్యత్తులోనూ మరో 12 రకాల సేవలను ఆన్లైన్లోనే పొందేలా దీన్ని తీర్చిదిద్దనున్నారు. ఈ విధానం వల్ల వాహనదారులు ఆర్టీఏ కార్యాలయాలకు నేరుగా వెళ్లాల్సిన అవసరం లేదు.
ఇంటి వద్ద నుంచే తమకు కావాల్సిన సేవలను పొందే విధానాన్ని అందుబాటులోకి తెచ్చారు. ఇప్పటిదాకా పలురకాల ఆర్టీఏ సేవల కోసం మొదట ఆన్లైన్లో స్లాట్ను బుక్ చేసుకోవాల్సి ఉండేది. ఆ స్లాట్లోని తేదీ, సమయం ప్రకారం ఆర్టీఏ కార్యాలయానికి వెళ్లాల్సి వచ్చేది. కానీ ప్రస్తుతం అందుబాటులోకి తీసుకొచ్చిన విధానం వల్ల వినియోగదారులు ఇంటిలో ఉండే డూప్లికేట్ లెర్నింగ్ లైసెన్స్, డూప్లికేట్ డ్రైవింగ్ లైసెన్స్, బ్యాడ్జీ, డ్రైవింగ్ లైసెన్సుల డాక్యుమెంట్ల స్థానంలో స్మార్ట్ కార్డులను తీసుకోవచ్చు. అయితే ఈ సేవలకు వినియోగదారులు స్మార్ట్ ఫోన్లోనే దరఖాస్తు చేసుకునే వెసులుబాటును రవాణ శాఖ కల్పించింది.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more