ఏపీలో కొనసాగుతున్న కరోనా వ్యాప్తి.. గడిచిన 24 గంటల్లో 44 కేసులు..

Posted: 05/27/2020 12:41 AM IST

Coronavirus in ap 48 new covid 19 cases state tally reaches 2719

ఆంధ్రప్రదేశ్ రాష్ట్రంలో కరోనా వైరస్ విజృంభన కొనసాగుతోంది. ఈ నెల ప్రారంభంతో కాసింత వేగాన్ని తగ్గించుకున్న కరోనా వ్యాప్తి.. మళ్లీ నలబైకి పైగా కేసులు నమోదయ్యాయి. ఇక అంతకుముందు వారం పది రోజులుగా రాష్ట్రంలో కరోనా కేసులు వేగంగా వ్యాప్తి చెందుతుండటం అందోళన రేకెత్తిస్తోంది. తాజాగా రాష్ట్రంలో నలభై మార్కుకు పైబడి కరోనా కేసులు నమోదు కావడం అందోళన రేకెత్తిస్తోంది.ప్రభుత్వం కంటైన్మెంట్ జోన్లను ఏర్పాటు చేసి కఠినచర్యలు తీసుకుంటున్నా వైరస్ ఏమాత్రం తగ్గుముఖం పట్టడం లేదు. గడిచిన 24 గంటల వ్యవధిలో రాష్ట్రంలో 48 కేసులు నమోదు కావడం అందోళన రేకెత్తిస్తోంది.

తాజాగా నమోదైన 48 పాజిటివ్ కేసులతో కలిపి రాష్ట్రంలో కరోనా కేసుల సంఖ్య 2700 మార్కును దాటింది. ఈ మేరకు భారత వైద్యఆరోగ్య శాఖ తాజా బులిటెన్లో వివరాలను పేర్కోంది. తాజా గణంకాలతో కలిపి రాష్ట్రంలో కొవిడ్‌ కేసుల సంఖ్య 2719కి చేరింది. కాగా రాష్ట్రంలో తాజాగా తూర్పు గోదావరి జిల్లాలో మరో వ్యక్తి కరోనా బారినపడి చికిత్స పోందుతూ మరణించాడు. దీంతో రాష్ట్రంలో ఇప్పటివరకు నమోదైన కరోనా మరణాల సంఖ్య కూడా 57కు చేరింది. అయితే కరోనా వైరస్ బారినపడిన పడి కోలుకున్నవారిలో తాజాగా 55 మందిని ఇవాళ అధికారులు డిశ్చార్చ్ చేశారు.

రాష్ట్రంలో కొత్తగా నమదైన పాజిటివ్ కేసుల్లో చిత్తూరులో నాలుగు కేసులు నమోదయ్యాయి. వీరు తమిళనాడులోని కోయంబేడు మార్కెట్ తో సంబంధమున్న వారేనని వైద్యాధికారులు తెలిపారు. కర్నూలు, గుంటూరు, కృష్ణా జిల్లాలు కరోనావైరస్ వ్యాప్తికి హాట్ స్పాట్లుగా వున్నాయి. కాగా వివిద ఆసుపత్రుల్లో 759 మంది కరోనా బారిన పడి చికిత్స పొందుతున్నారు. ఇక గడిచిన 24 గంటల వ్యవధిలో రాష్ట్రంలో ఏకంగా 55 మంది వ్యాధి నుంచి కోలుకుని ఢిశ్చార్జ్ అయ్యారు. దీంతో రాష్ట్రంలో కరోనా బారిన పడి కొలుకుని డిశ్చార్జ్ అయిన వారి సంఖ్య 1903కు చేరింది.