అలెర్ట్.. బ్యాంకులకు ఐదు రోజులు వరుస సెలవులు..

Posted: 03/09/2020 02:51 PM IST

Banks to remain closed for five days in march due to strike

దేశ‌వ్యాప్తంగా బ్యాంకులకు వరుస సెలవులు వస్తున్నాయి. రేప మంగళవారం మొదలు మళ్లీ సోమవారమే బ్యాంకులు తెరుచుకోనున్నాయి. వరస సెలవుల నేపథ్యంలో బ్యాంకుల్ల పనులు వున్నవారు ఇక వారి వ్యవహారాలను వచ్చేవారానికే వాయిదా వేసుకోవాల్సి ఉంటుంది. కాగా, ఆరు రోజుల పాటు వరుస సెలవులు మాత్రం దేశవ్యాప్తంగా బ్యాంకులన్నింటికీ వర్తించనుంది. అయితే పలు రాష్ట్రాల్లో మాత్రం ఐదు రోజుల వరస సెలవులు అందుబాటులోకి రానున్నాయి.

ఈ నెల 10వ తేదీన హోలి పండగా, ఆ తరువాత వరుసగా మూడు రోజుల పాటు బ్యాంకు ఉద్యోగులు సమ్మెకు పిలుపునిచ్చారు. ఈ మూడు రోజుల తరువాత రెండో శనివారం, ఆదివారం దీంతో మొత్తంగా ఆరు రోజులు బ్యాంకుల్లో కార్యకలాపాలు నిలిచిపోనున్నాయి. లావాదేవీల కోసం తరచూ బ్యాంకులకు వెళ్లేవారికి ఈ వారంలో కష్టాలు తప్పవు. మార్చి 10న హోలి పండగ.. పలు ప్రాంతాల్లో 9నే హోలిని సెలబ్రేట్ చేసుకున్నారు. దీంతో మార్చి 10 నుంచి ప్రారంభమయ్యే సెలవులు.. మార్చి 11 నుంచి 13- బ్యాంకుల సమ్మె, మార్చి 14- రెండో శనివారం, మార్చి 15- ఆదివారం, దీంతో మళ్లి బ్యాంకులకు తాళాలు తెరుచుకునేది మార్చి 16నే.

ఆ తరువాత మార్చి 25న కూడా తెలుగురాష్ట్రాల బ్యాంకులకు ఉగాది సెలవు వర్తించనుంది. మార్చి 28- నాలుగో శనివారం, మార్చి 29- ఆదివారం.. ఇలా చివరి వారంలోనూ మూడు రోజుల పాటు బ్యాంకుల కార్యకలాపాలు నిలిచిపోనున్నాయి. ఆర్థిక సంవత్సరం ముగిసే నెలలో బ్యాంకులకు సెలవులు, కార్మిక సంఘాల సమ్మెలతో ఖాతాదారులకు కొంత ఇబ్బందికర పరిణామాలే ఎదురుకానున్నాయి. మీకు బ్యాంకుల్లో పనులేమైనా వుంటే.. వాటని వర్కింగ్ డేస్ లోనే త్వరగా పూర్తి చేసుకునేలా ప్లాన్ చేసుకోవాలి లేదా.. అపరాద రుసములు వెంటపడేను జాగ్రత్తా.