తెలంగాణ ఎక్స్ ప్రెస్ కు తప్పిన ముప్పు.. ప్రయాణికులు సేఫ్

Posted: 08/29/2019 01:41 PM IST

Fire breaks out in hyderabad delhi telangana express passengers safe

హైదరాబాద్‌ నుంచి ఢిల్లీ వెళుతున్న తెలంగాణ ఎక్స్‌ప్రెస్‌‌కు పెను ప్రమాదం తప్పింది. ఢిల్లీకి సమీపంలో ఈ రైలు మంటలు చెలరేగాయి. మరో గంట వ్యవధిలో గమ్యానికి చేరుకొంటుండగా హర్యానా లోని ఫరీదాబాద్ జిల్లా బల్లభ్ గడ్ ప్రాంతానికి రైలు చేరుకోగానే మంటలు అంటుకున్నాయి. ముందు ప్యాంట్రీ బోగీలో మంటలు అంటుకున్నాయి. కొద్ది సమయంలోనే ఈ మంటలు ఏసీ మరియు స్లీపర్ కోచ్ లకు వ్యాపించాయి. అప్రమత్తమైన సిబ్బంది రైలును నిలిపివేసారు.

హుటాహుటిన రంగంలోకి రైలుకు అంటుకున్న మంటలను సిబ్బంది ఆర్పివేశారు. ప్రమాదాన్ని గ్రహించి మంటల్లో చిక్కుకున్న బోగీలను వేరు చేయటంతో పెను ప్రమాదం తప్పింది. తెల్లవారుజామున 7 గంటల 47 నిమిషాల సమయంలో ఈ ప్రమాదం జరిగిందని తెలుస్తోంది. బ్రేక్ కు సంబంధించిన ఎక్విప్మెంట్ వలన ఈ ప్రమాదం జరిగిందని తెలుస్తుంది. వెంటనే మంటలు అంటుకున్న బోగీలను వేరు చేసి ప్రయాణికులను సిబ్బంది వేరే బోగీ లోకి తరలించారు. ప్రసుతం ఈ మార్గంలో రైళ్ళ రాకపోకలకు అంతరాయం కలుగుతున్నట్లు సమాచారం.

రైలులోని ప్రయాణికులందరూ సురక్షితంగా వున్నారని..ఎవరికీ ఎలాంటి గాయాలు కాలేదని రైల్వే అధికారులు ప్రకటించారు. ఈ మార్గంలో వెళ్ళే వ్యాగన్లను కూడా అధికారులు నిలిపివేసినట్లు తెలుస్తుంది. రైలులో ఇలా మంటలు చెలరేగటానికి కల కారణాల అన్వేషణలో రైల్వే అధికారులు నిమగ్నమయ్యారు. ఈ ప్రమాదంలో ఒక భోగీ పూర్తిగా కాలిపోయింది. రెండు బోగీలు పాక్షికంగా కాలిపోయినట్లు సమాచారం. ఎస్ 10, బీ1, ప్యాంటీ మూడు బోగీలలో మంటలు అంటుకున్నాయి. ట్రైన్ వేగంగా వెళుతూ ఉండటంతో మంటలు వేగంగా వ్యాపించినట్లు తెలుస్తోంది.