సుప్రీంకోర్టు సీనియర్ న్యాయవాదికి బెదిరింపులు..

Posted: 01/20/2018 10:56 AM IST

దేశ సర్వోన్నత న్యాయస్థానం సుప్రీంకోర్టు న్యాయమూర్తి జస్టిస్ లోయా హత్య విషయంలో స్పందించిన సీనియర్ న్యాయమూర్తుల అంశం యావత్ దేశవ్యాప్తంగా సంచలనం రేపింది. న్యాయవ్యవస్థ పూర్తిగా అందోళనకర పరిస్థితులను ఎదుర్కోన్న ఈ నేపథ్యంలో ఆ విషయం సద్దుమణగకముందే మరో సుప్రీంకోర్టు సీనియర్ న్యాయవాది హరీష్ సాల్వేకు బెదిరింపు ఫోన్ కాల్స్ రావడం సంచలనంగా మారింది.

గతంలో కేవలం వ్యక్తిగత కక్షలకు మాత్రమే పరిమితమైన బెదరింపులు.. ఈ మధ్యకాలంలో ప్రముఖులకు కూడా వదలడం లేదు. ఏకంగా ప్రముఖులను కూడా టార్గెట్ చేస్తూ చంపుతామంటూ బెదిరింపులు ఫోన్ కాల్స్ రావడం తీవ్ర కలకలం రేపుతుంది 'పద్మావత్' సినిమాకు సంబంధించి ఆ చిత్ర నిర్మాతల తరపున సుప్రీంకోర్టులో సాల్వే వాదనలు వినిపించారు.

దీంతో, రాజ్ పుత్ కర్నిసేనకు సంబంధించిన వ్యక్తులు ఈ బెదిరింపులకు దిగారు. 'పద్మావత్'కు అనుకూలంగా వాదించినందుకు తీవ్ర పరిణామాలు ఎదుర్కోక తప్పదు అంటూ ఫోన్ ద్వారా బెదిరించారు. అంతేకాదు, దమ్ముంటే పోలీసులకు ఫిర్యాదు చేసుకోవాలని కూడా సవాల్ విసిరారు. ఈ విషయాన్ని మీడియాకు స్వయంగా సాల్వే తెలిపారు. కేసు నమోదు చేసిన పోలీసులు దర్యాప్తును ప్రారంభించారు.