అమ్మవారి అలయంలో తాంత్రిక పూజలా..?

Posted: 01/02/2018 01:07 PM IST

విజయవాడ ఇంద్రకీలాద్రిపై కనకదుర్గమ్మ దేవాలయంలో అపచారం జరిగిందా..? అత్యంత పవిత్రమైన స్థలపురాణం కలిగిన పుణ్యక్షేత్రంలో వేద మంత్రోచ్చరణలకు బదులు తాంత్రిక పూజలు నిర్వహించారా..? భక్తజనలోకం కొంగుబంగారంగా వెలుగొందుతున్న అమ్మవారి అలయంలో ముక్కుపుడక దొంగలించిన విషయాన్నే ఇప్పటికీ అక్కడికి వెళ్లి దర్శనం చేసుకునే భక్తులు ప్రస్తావిస్తూవుంటారు. అంతేకాక అలయంలోని అనేక అసాంఘిక కార్యకలాపాలు కూడా జరుగుతున్నాయని కూడా వార్తల్లో రావడంతో అందరికీ తెలిసిపోయింది.

దీనికి తోడు అలయంలో అర్చుకులకు, అలయ సిబ్బందికి, మధ్య జరుగుతున్న తంతూ కూడా భక్తకోటికి తెలుసు. ఇక అమ్మవారి కరుణకటాక్షాలు వుంటే.. తాము కోరుకున్న కోరికలు నెరవవేరుతాయని భక్తులు విశ్వసిస్తుంటారు. అలింటి పరమపవిత్రమైన అలయంలో అపచారం జరిగిందని, ఏకంగా అమ్మవారి ఆలయంలో తాంత్రిక పూజలు నిర్వహించినట్టు ఆరోపణలు రావడంతో అలజడి రేగింది. ఈ మేరకు స్థానికంగా ప్రచారం జోరందుకుంది. ఆలయ కార్యనిర్వహణ అధికారి సూర్యకుమారి ఆధ్వర్యంలో గత నెల 26న అర్ధరాత్రి ఈ తంతు జరిగినట్టు అరోపణలు వినిపిస్తున్నాయి.

దీంతో దేవస్థానం పాలక మండలి సీసీటీవీ ఫుటేజీని పరిశీలించింది. డిసెంబర్‌ 26న అమ్మవారి గర్భాలయం వద్ద అర్చకులు బదులు అపరిత వ్యక్తి ఉన్నట్టు గుర్తించారు. దీనిపై వివరణ ఇవ్వాలని ప్రధాన అర్చకుడిని ఆదేశించారు. ఇక దీనిపై సమగ్ర విచారణ జరుపుతామని కూడా చెప్పారు. అయితే ఆలయంలో ఎటువంటి తాంత్రిక పూజలు జరగలేదని ఈవో సూర్యకుమారి తెలిపారు. కాగా రంగంలోకి దిగిన పోలీసులు కూడా ఆలయంలో తాంత్రిక పూజ జరిగిందన్న వార్తలపై దర్యాప్తు చేపట్టారు. అయితే గుర్భగుడిలో తాంత్రిక పూజలు జరిగాయన్న ప్రచారంతో భక్తులు ఆందోళన వ్యక్తం చేస్తున్నారు.