ITEMVIDEOS: జూబ్లీహిల్స్ లో ప్రియుడితో కలసి మద్యం తాగి..

Posted: 10/30/2017 09:58 AM IST

Drunken lady hulchul in jubilee hills with hyderabad police

మత్తు వదలరా.. అంటూ పెద్దలు తరతరాలుగా చెబుతున్నా.. మద్యం మత్తులో జోగుతున్న వారి సంఖ్య కూడా అదంతే గణనీయంగా పెరుగుతుంది తప్ప.. ఏ మాత్రం తక్కువ కావడం లేదు. మరీ ముఖ్యంగా తెలుగు రాష్ట్రాల్లో మద్యం ప్రియుల సంఖ్య మరీ ఎక్కువగా వుంది. ఈ నేపథ్యంలో తాగిన తరువాత ప్రమాదాలకు గురికాకుండా వాహనాలను నడపరాదంటూ పోలీసులు అదేశాలు జారీ చేసినా.. వాటిని కొన్నాళ్లు పాటించి.. ఇక పోలీసులు డ్రంక్ అండ్ డ్రైవ్ తనిఖీలు చేయడం లేదని తమ ఇష్టారాజ్యంగా వ్యవహరిస్తున్న వారి సంఖ్య కూడా అంతకంతకూ పెరుగుతుంది.

మద్యం మత్తులో వాహనాలను నడిపి ఏదైనా జరగరానిది జరిగిన తరువాత అందరూ పోలీసులనే అడిపోసుకుంటారు. వారేం చేస్తున్నారు.? డ్రంక్ అండ్ డ్రైవ్ తనిఖీలు చేయకుండా ఎక్కడున్నారు..? అంటూ నిలదీస్తారు..? అయితే మనం మాత్రం మన బాధ్యతలను వదిలేసి.. అదేశాలను తుంగలో తోక్కేసి.. పీకలదాకా మద్యం తాగేసి.. స్నేహితులతో కలసి హంగామా చేసుకుంటూ వెళ్లిపోదామా..? ఇప్పడే తమ పిల్లలను నియంత్రించలేని పెద్దలు.. ఏదో జరిగిన తరువాత పోలీసులను, కారులో వున్న స్నేహితులను మాత్రం ఆ తదుపరి ఘటనలకు బాధ్యుల్ని చేస్తాయడం సమంజసమేనా..?

మినీ భారత్ లా బాసిల్లుతున్న హైదరాబాద్ నగరంలో.. ఏక్కడా ఎలాంటి ప్రమాదకర ఘటనలు జరగకుండా పోలీసులు అనేక చర్యలు తీసుకుంటున్నారు. ముఖ్యంగా డ్రంక్ అండ్ డ్రైవ్ కేసులో బాధితులను ఎప్పటికప్పుడు అప్రమత్తం చేస్తూనే తనిఖీలు కూడా నిర్వహిస్తున్నారు. కాగా, గత రాత్రి జూబ్లీహిల్స్ లో పీకల వరకు మద్యం సేవించిన యువతి, ప్రమాదకరంగా తన కారును నడుపుకుంటూ రావడంతో పాటు, డ్రంకెన్ డ్రైవ్ నిర్వహిస్తున్న పోలీసులకు దొరికిపోయిందr.

ఇక చివరి క్షణం వరకు తాను తాగలేదని వాదించిన యువతి.. పోలీసులను ముప్పు తిప్పలు పెట్టింది. బ్రీత్ ఎనలైజర్ పరీక్షలకు అంగీకరించకుండా నానా హంగామా చేసింది. అప్పటికీ ఆమె స్నేహితులు వద్దని వారిస్తున్నా వినకుండా ఏకంగా పోలీసులనే చెప్పుతో కొడతానంటూ రెచ్చిపోయింది. జూబ్లీహిల్స్ పరిధిలో డ్రంకెన్ డ్రైవ్ తనిఖీలు నిర్వహిస్తున్న క్రమంలో ఈ ఘటన చోటుచేసుకుంది. తొలుత ఆమెను పరీక్షలను నిర్వహించేందుకు ప్రయత్నించిన పోలీసులు.. అనేక తంటాలు పడాల్సివచ్చింది.

చివరికి ఎలాగోలా ఆమెకు పరీక్షలు నిర్వహించగా, అధిక మోతాదులో మద్యం తాగినట్టు నిరూపితం కావడంతో, ఆమె వాహనాన్ని పోలీసులు సీజ్ చేశారు. ఆమెను కోర్టులో ప్రవేశపెడతామని, కౌన్సెలింగ్ ఇస్తామని పోలీసులు తెలిపారు. పోలీసులకు చెప్పు చూపించిన విషయమై, ఆమెను హెచ్చరించనున్నామని, తల్లిదండ్రులను పిలిపించి వారి సమక్షంలో మరో కౌన్సెలింగ్ ఇస్తామని అన్నారు. ఆ అమ్మాయి నిర్వాకమంతా మీడియా కెమెరాలకు చిక్కి వైరల్ గా మారింది.