ఆది డెత్ కాల్ కానేకాదు.. రిలాక్స్ గా వుండండీ..!

Posted: 05/18/2017 04:13 PM IST

అది డెల్ కాల్.. అ కాల్ లిఫ్ట్ చేశారంటే మీ ఫోన్ కు అదే చివరి కాల్ కావచ్చు. ఎందుకంటే ఆ కాల్ లిప్ట్ చేయగానే మీ ఫోన్ పేలిపోవడం గ్యారంటీ.. తస్మాత్ జాగ్రత్త.. అంటూ హెచ్చరికల ధోరణితో మీ వాట్సాఫ్ గ్రూపులోనే లేక మరే విధంగానే మీకు ఈ మెసేజ్ అందిందా..? అందేవుంటుంది. ఇక చివరాఖరున ఈ మేసేజ్ ను దయచేసి మీ ఫ్రెండ్స్ కు కూడా దీన్ని షేర్ చేయండీ అని కూడా వుందా..? ఇంతకీ ఆ నెంబర్ ఏంత అంటే 777888999.

ఇది నిజమని నమ్మేసి అనేక మంది 7తో ప్రారంభమయ్యే ఫోన్లనే ఎత్తడం లేదు.. ఇక మరికోందరు త్రిబుల్ సెవన్, త్రిబుల్ 8, త్రిబుల్ 9 నెంబర్లు వున్న ఏ ఇతర ఫోన్లను లిస్టు చేయడం లేదు. తమ విలువైన ఫోన్ పగిలిపోతేనూ... అని కొందరు ప్రశ్నిస్తుండగా, బతికుంటే బలసాకులు తిని బతకొచ్చ.. ఫోన్ పెలి ప్రాణమే పోతే.. అంటూ మరికోందరు మేసేజ్ ను తెగ నమ్మెసి హైరానా పడుతున్నారు. అయితే ఇంతకీ ఈ మేసేజ్ లో నిజమెంత..? ఫోన్ నెంబర్లతో ఫోన్ పేల్చేసేంత సీన్ వుందా..? అన్న ప్రశ్నలు తెరపైకి వస్తున్నాయి.

ఇక వచ్చిన మేసేజ్ తోనే తలబొప్పికడుతుంటే.. ఇక మరికోందరు మరింత వివరాణ్మతక కథనాలను కూడా ప్రచారం చేస్తున్నారు. "777888999 నుంచి కాల్ వచ్చి దాన్ని రిసీవ్ చేసుకుంటే, ఓ యువతి మాట్లాడుతుంది. అదే మీరు మాట్లాడే చివరి కాల్ అని చెబుతుంది. ఆపై నిజంగానే అలా జరుగుతుంది. జాగ్రత్త సుమీ అంటూ హెచ్చరించే మేసేజ్ లు కూడా వచ్చేశాయి. సోషల్ మీడియాలో వైరల్ అవుతున్న ఈ మేసేజ్ లో.. అసలు నిజముందా..? కనీసం నిజం పాలు ఎంత..? అన్న కోణంతో చర్చ జరుగుతుంది.

అయితే, ఇది కేవలం పుకారేనని.. దీనిని నమ్మనక్కర్లేదని నిపుణులు కొట్టి పారేస్తున్నారు. ఒక నంబర్ నుంచి ఫోన్ వచ్చి, దాన్ని రిసీవ్ చేస్తే, ఫోన్ పేలిపోయే ప్రమాదం ఉండదని, అటువంటిదే ఉంటే, అది అన్ని నంబర్లకూ వర్తిస్తుందని చెబుతున్నారు. ఇక ఫోన్ రిసీవ్ చేసుకుంటే చనిపోతారనడానికి ఒక్క నిదర్శనం కూడా లేదని చెబుతున్నారు. ఈ నంబరులో కేవలం 9 అంకెలు మాత్రమే ఉన్నాయి. కాబట్టి ఇది ఇండియాలో పనిచేయదని, ఒకవేళ అది ఇంటర్నేషనల్ నంబరే అయినా, ఆ దేశపు కోడ్ సహా మొబైల్ స్క్రీన్ పై ప్రత్యక్షమవుతుందని అభయమిస్తున్నారు. ఈ నంబరుతో ఫోన్ వచ్చినట్టు ఇంతవరకూ సాక్ష్యాలు లభించలేదని టెలికం రంగ నిపుణులు వ్యాఖ్యానించారు.