పార్లమెంట్ లో మహిళా ఎంపీపై అఘాయిత్యం

Posted: 01/25/2017 01:54 PM IST

పార్లమెంట్ సాక్షిగా తనపై లైంగిక వేధింపులు జరిగినప్పటికీ, ఎవరూ పట్టించుకోవట్లేదంటూ ఓ మహిళా మంత్రి ఆత్మహత్య చేసుకుంటానని బెదిరించటం తీవ్ర కలకలం రేపుతోంది. పాకిస్థాన్ లో ఓ ఎంపీని కేంద్ర మంత్రితో అసభ్యకర రీతిలో ప్రవర్తించిన తీరు సంచలనంగా మారింది. దేశంలోని మహిళలకు రక్షణ లేకుండా పోయిందంటూ ఆ దేశ న్యూస్ ఏజెన్సీ ఏఎఫ్ పీ ఇందుకు సంబంధించి ఓ కథనం ప్రచురించింది.

సింధ్ ప్రోవిన్స్ ఎంపీ నూర్సత్ సహర్ అబ్బాసిని ఇమాద్ పితాఫీ శుక్రవారం తన ఛాంబర్ కు పిలిపించుకుని తనతో అసభ్యకరంగా ప్రవర్తించాడంటూ ఆమె చెబుతోంది. డిప్యూటీ స్పీకర్ కూడా మహిళే అయినప్పటికీ ఈ విషయంలో స్పందన లేకపోవటం దారుణమని పలువురు వ్యాఖ్యానిస్తున్నారు.

ఇక ఈ విషయం బయటకు పొక్కిన తరువాత, సోషల్ మీడియాలో నుస్రాత్ కు మద్దతు పెరగగా, నుస్రాత్ ఆరోపణలపై విచారణకు ఆదేశించినట్టు ఫెడరల్ పార్టీ వర్గాలు వెల్లడించాయి. అయితే మహిళల రక్షణకు ఎన్ని చట్టాలు చేసినప్పటికీ, వాటికి సరిగ్గా అమలు పరచకపోవటం మూలంగానే ఇలాంటి ఘటనలు జరుగుతున్నాయంటూ విపక్షాలు మండిపడుతున్నాయి. గతేడాది భార్యలను సున్నితంగా మందలించిన అది గృహహింస కిందికే వస్తుందని ఓ చట్టం చేసినప్పటికీ, అది ఇంతవరకు ఆచరణకు నోచుకోలేదు.

పాకిస్థాన్ పార్లమెంటు సాక్షిగా, అది ఓ మహిళా ఎంపీపై ఇంతగా లైంగిక వేధింపులు జరిగినప్పటికీ, మీడియా హైలెట్ చేయకపోవటంపై పలువురు నిరసన వ్యక్తం చేస్తున్నారు.