అన్నాడీఎంకే కార్యాలయం వద్ద ఉద్రిక్తత.. లాయర్ పై దాడి

Posted: 12/28/2016 02:49 PM IST

Shashikala pushpa advocate attacked at aiadmk party office

తమిళనాట ప్రజలు అప్యాయతతో ముద్దుగా పిలుచుకునే పురచ్చి తలైవి, అమ్మ, దివంగత ముఖ్యమంత్రి జయలలిత ఈ నెల 5న అకస్మిక మరణించడంతో రాష్ట్రంలో పరిణామాలు శరవేగంగా మారుతున్నాయి. జయలలిత మరణం విషయంలో పలు అనుమానాలను వ్యక్తం చేసిన పార్టీ బహిష్కృత ఎంపీ శశికళా పుష్ప.. తాను అన్నాడీఎంకే పార్టీ ప్రధాన కార్యదర్శి పదవికి కూడా పోటీలో నిలబడతానని ఇటీవల ప్రకటించారు. ఈ నేపథ్యంలో పార్టీ కార్యాలయానికి వెళ్లి ఆమె న్యాయవాదిపై అన్నాడీఎంకే కార్యకర్తలు దాడికి పాల్పడ్డారు.

దీంతో చెన్నయ్‌లోని అన్నాడీఎంకే పార్టీ ప్రధాన కార్యాల‌యం ఎదుట తీవ్ర ఉద్రిక్త వాతావ‌ర‌ణం నెల‌కొంది. వెంటనే రంగంలోకి దిగిన పోలీసులు శశికళా పుష్ప న్యాయవాదిని అక్కడి నుంచి రక్షిత ప్రాంతానికి తరలించారు. అయితే అప్పటికే రక్తపు గాయాలపాలైన ఆయనను అస్పత్రికి తరలిచారని సమాచారం. అన్నాడీఎంకే పార్టీ ప్రాధాన కార్యదర్శిగా శ‌శిక‌ళే బాధ్యత‌లు చేప‌డ‌తార‌న్న ప్రచారం ఊపందుకుంటున్న తరుణంలో ఆయన పార్టీ కార్యాలయానికి వచ్చారు.

శశికళ పుష్ప తరపున పార్టీ కార్యాల‌యాల‌నికి వ‌చ్చిన ఆయన అమె తరపున ఓ నోటీసును కార్యాలయ వర్గాలకు అందించేందుకు వచ్చారని తెలుస్తుంది. అయితే, ఆయ‌న‌ను చూడగానే ఎందుకోచ్చాడన్న వివరాలను సైతం అగడకుండా అతనిపై అన్నాడీఎంకే కార్యక‌ర్తలు దాడి చేశారు. దీంతో ఆయ‌న‌కు తీవ్ర గాయాలయ్యాయి. న్యాయవాదిపై దాడి వార్తను అందుకున్న పోలీసులు రంగంలోకి దిగి పరిస్థితిని అదుపులోకి తీసుకువచ్చారు.