‘ఫాదర్స్ డే’ సందర్భంగా నిన్నఆదివారం (జూన్ 19) ప్రపంచవ్యాప్తంగా తనయులు తండ్రుల సేవలో మునిగిపోయారు. సెలబ్రిటీలు సైతం తమ పితృ ప్రేమను సోషల్ మీడియాలో పంచేసుకున్నారు. ఇక తెలుగు నేలలో రాజకీయ వారసులుగా తెరంగేట్రం చేసిన ముగ్గురు కీలక నేతలు వైఎస్ జగన్ మోహన్ రెడ్డి, కల్వకుంట్ల తారకరామారావు, నారా లోకేశ్ తమ తండ్రులకు శుభాకాంక్షలు తెలుపుతూ ట్విట్టర్ లో ప్రత్యేకంగా పోస్ట్ లు పెట్టారు. ఈ సందర్భంగా ఈ ముగ్గురు యువనేతలు తమ తండ్రులతో ఉన్న అనుబంధాన్ని ప్రత్యేకంగా ప్రస్తావించారు.
వీటిలో కేటీఆర్ ట్వీట్ ఆసక్తికరంగా ఉంది. తాను తండ్రి అయ్యాక గాని తన తండ్రి తమకోసం చేసిన త్యాగాలు తెలిసిరాలేదని ఆయన పేర్కొన్నారు. ‘‘మా నాన్న నా కోసం చేసిన త్యాగాలు నేను నాన్న అయ్యాక తెలిసివచ్చాయి’’ అంటూ ఆయన ట్వీటారు. ఇక ఈ ట్వీట్ కు ఆయన ఓ రెండు రేర్ ఫొటోలను కూడా యాడ్ చేశారు. టోపీ, కళ్లద్దాలు పెట్టుకున్న తన కొడుకు, కూతురుతో కలిసి టోపీ మాత్రమే పెట్టుకున్న తన తండ్రి ఫొటోను పోస్ట్ చేసిన కేటీఆర్... తనను తన తండ్రి ఆప్యాయంగా ఆలింగనం చేసుకున్న మరో ఫొటోను కూడా ఆయన దానికి జత చేశారు.
ప్రతీ యేడు లాగానే ఏపీ ప్రతిపక్ష నేత, వైసీపీ అధినేత వైఎస్ జగన్ మోహన్ రెడ్డి తన తండ్రి, దివంగత సీఎం వైఎస్ రాజశేఖరరెడ్డిని గుర్తు చేసుకున్నారు. తండ్రితో తనకున్న అనుబంధాన్ని నెమరువేసుకున్నారు. తన ట్విట్టర్ ఖాతాలో జగన్ ‘ఫాదర్స్ డే గ్రీటింగ్స్’ను పోస్ట్ చేశారు. ‘‘నా జీవితంలోని ప్రతి ప్రయాణంలో ఎల్లప్పుడూ మా నాన్నే నిజమైన గొంతుక. నాపై ఆయన ఉంచిన నమ్మకమే... ఆయన నాకు ఇచ్చిన గొప్ప బహుమతి’’అని జగన్ ట్వీట్ చేశారు.
ఇక చివరగా టీడీపీ జాతీయ ప్రధాన కార్యదర్శి నారా లోకేశ్ నిన్న తన ట్విట్టర్ ఖాతా ద్వారా తండ్రి నారా చంద్రబాబునాయుడికి గ్రీటింగ్స్ చెప్పారు. ‘‘అన్ని వేళలా, అన్ని చోట్లా అండగా నిలిచారు... థ్యాంక్యూ డాడ్’’ అంటూ తండ్రి చంద్రబాబుకు కృతజ్ఞతలతో కూడిన శుభాకాంక్షలు చెప్పారు. తన పట్ల తండ్రి వైఖరిని ఆసక్తికరంగా ప్రస్తావించిన లోకేశ్ ‘‘నాపై మా నాన్న చూపిన ప్రేమ విలువ నేను తండ్రిని అయ్యాక గుర్తించాను. ఆయన ఎంత పని ఒత్తిడిలో ఉన్నా అన్ని వేళలా, అన్ని చోట్లా నాకు అండగా నిలిచేవారు’’ అంటూ పేర్కొన్నారు. చివర్లో తనయుడు దేవాన్ష్ గురించి కూడా ఈ సందర్భంగా తన మనసులోని భావాలను లోకేశ్ వెలిబుచ్చారు. ‘నీ నవ్వే నా ప్రపంచాన్ని గొప్పగా మారుస్తోంది’’ అంటూ ట్వీట్ చేశారు. ‘‘నవ్వుతున్న దేవాన్ష్ ను చూస్తుంటే నాకు చాలా సంతోషంగా ఉంటుంది. ఆ నవ్వుతోనే మేము ఫాదర్స్ డే సంబరాలు జరుపుకున్నాం’’ అని ఆయన ట్వీట్ చేశాడు.
భాస్కర్
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more