ఎయిర్ ఏసియా వార్షికోత్సవ బంఫర్ అఫర్..

Posted: 06/14/2016 09:58 AM IST

Airasia offer domestic airfares from rs 799 overseas rs 3399

చౌకధర విమానయాన యుద్దంలో గతంలోనే ప్రవేశించిన చౌకదర విమానయాన సంస్థ ఎయిర్ ఏషియా.. తమ కస్టమర్లకు మరోసారి బంఫర్ ఆఫర్ ప్రకటించింది. మలేసియాకు చెందిన ఈ విమానయాన సంస్థ భారత్లో సర్వీసులు ప్రారంభించి రెండేళ్లు పూర్తయిన సందర్భంగా మళ్లీ తమ విమానయాన టికెట్లపై వార్షికోత్సవ డిస్కౌంట్ ఆఫర్ ను ప్రకటించింది. దేశవాళీ, అంతర్జాతీయ విమాన సర్వీసుల టికెట్ ధరలకు చౌకధరలకు తీసుకునే వెసలుబాటు కల్పించింది. రెండేళ్ల వార్షికత్సవ ఆఫర్ లో భాగంగా మరోమారు చౌకధర యుద్దానికి తెరతీసింది.

గతంలో దేశీయ విమాన సర్వీసులలో ప్రయాణాన్ని 1199 రూపాయలకే ప్రకటించిన ఎయిర్ ఏషియా తాజాగా వార్షికోత్సవ ఆపర్ ను మరింత డిస్కౌంట్ అందించింది. తాజా వార్షికోత్సవ డిస్కౌంట్ ఆఫర్ ప్రకారం దేశీయ విమాన సర్వీసుల కనిష్ట టికెట్ ధర పన్నులతో సహా 899 రూపాయలగా ప్రకటించింది. అయితే ఈ ధర కేవలం బెంగళూరు, జైపూర్, కోచి, న్యూఢిల్లీ, పుణె వంటి నగరాల మధ్య నడిచే విమాన సర్వీసులకు మాత్రమే వర్తిస్తుందని తెలిపింది.

దీంతో పాటు విదేశీ ప్రయాణాలపై కూడా డిస్కౌంట్ ఆఫర్ ను ప్రకటించింది. బాలి, బ్యాంకాక్, కౌలాలంపూర్, మెల్బోర్న్, పెర్త్, సింగపూర్లకు వెళ్లే విదేశీ సర్వీసుల్లో కనిష్ట టికెట్ ధరను 3399 రూపాయలుగా నిర్ణయించారు. ఈ నెల 19 వరకు టికెట్లను బుక్ చేసుకోవచ్చు. కాగా టికెట్ బుక్ చేసుకున్నవారు వచ్చే ఏడాది జనవరి నుంచి ఆగస్టు మధ్య కాలంలో ప్రయాణించాల్సి వుంటుందని విమాన యాజమాన్య వర్గాలు పేర్కోన్నాయి.

మనోహర్