చంద్రబాబు నాయుడు పాత చింతకాయ డైలాగులు

Posted: 01/30/2016 12:47 PM IST

ఏపి సిఎం, తెలుగుదేశం పార్టీ అధ్యక్షుడు నారా చంద్రబాబు నాయుడు మళ్లీ అదే డైలాగులను రిపీట్ చేశాడు. జిహెచ్ఎంసీ ఎన్నికల సందర్భంగా నారా చంద్రబాబు నాయుడు తమ పార్టీ గెలుపుకొసం తీవ్ర ప్రయత్నాలు చేస్తున్నారు. కాగా తెలంగాణలో అందులో కీలకంగా ఉన్న హైదరాబాద్ లో జరుగుతున్న ఎన్నికల సందర్భంగా ఆ పార్టీ తాము గతంలో చేసిన కార్యక్రమాలను మరోసారి ప్రజలకు గుర్తు చేసే న్రయత్నం చేస్తోంది. అందులో భాగంగా తెలుగుదేశం పార్టీ అధ్యక్షుడు చంద్రబాబు నాయుడు ఎన్టీఆర్ ట్రస్ట్ భవన్ లో మీడియాతో మాట్లాడుతూ.. తాము చేసిన అభివృద్ది గురించి మరోసారి వెల్లడించారు. తెలంగాణ ప్రాంతాన్ని అభివృద్ధి చేసింది తెలుగుదేశం ప్రభుత్వమేనని ఆంధ్రప్రదేశ్ ముఖ్యమంత్రి చంద్రబాబునాయుడు స్పష్టంచేశారు.

గ్రేటర్లో ప్రజలకు టీడీపీ పై విశ్వాసం ఉందన్నారు. ఆనాడు తెలుగుదేశం ప్రభుత్వం ఐటీకి ప్రాథాన్యత ఇవ్వడంవల్లే  ఇప్పుడు ఎకనామిక్ మాన్యుమెంట్ గా సైబరాబాద్ నిలిచిందని బాబు తెలిపారు. మహానగరంలో గ్రీనరీ కోసం తమ ప్రభుత్వం చేసిన కృషిని ప్రజలు మరువలేదన్నారు. పచ్చదనం పెంచేందుకు గ్రేటర్ లో లక్షలాది మొక్కలు నాటామన్నారు. ఏ ఒక్కరికీ నష్టం జరగకుండా రోడ్డు విస్తరణ పనులు పూర్తి చేశామని, రోడ్డు పనులే కాకుండా క్రీడలకు ప్రాధాన్యత ఇస్తూ స్టేడియంలు కట్టించామని చంద్రబాబు అన్నారు. అందుకే ప్రజలు గ్రేటర్ ఎన్నికల్లో టీడీపీ, బీజేపీ కూటమి వైపు చూస్తున్నారని, తమ గెలుపు ఖాయమని చంద్రబాబు స్పష్టంచేశారు.ఏసపి