పెళ్ళయిన తర్వాత భర్తలే తమ సర్వస్వమని భార్యలు జీవిస్తుంటారు. ఎటువంటి పరిస్థితుల్లోనైనా సరే.. వారి అవసరాలను తీరుస్తూ, అండగా నిలుస్తూ భర్తల్ని భరోసా కల్పిస్తుంటారు. నిర్జీవంగా బెడ్ పై పడివున్నా సరే.. వారికి సేవలు చేస్తూ తమ పతివ్రతను చాటుకుంటారు. ఈ తరహా మహిళలు భారతదేశంలోనే ఎక్కువగా కనిపిస్తుంటారని అనుకోవడం నిజంగా తప్పే. ఎందుకంటే.. అమెరికాలోనూ ఓ భార్య తన భర్తపై ఎనలేని ప్రేమ ప్రదర్శించి సతీసావిత్రికి ప్రతిరూపంగా నిలిచింది. యాక్సిడెంట్ అయి కోమాలోకెళ్ళిన తన భర్తను.. ఇంట్లోనే చికిత్స అందించి కోలుకునేలా చేసంది. గతం మర్చిపోయిన అతనిని చంటిపిల్లాడిలా చూసుకుంటూ.. తిరిగి గతం గుర్తుకొచ్చేలా చేసింది. ఇప్పుడు వారిద్దరూ హాయిగా తమ జీవితాన్ని కొనసాగిస్తున్నారు.
అమెరికాలో నివాసం వుంటున్న డేనియలి అనే యువతికి సంవత్సరం క్రితం మ్యాట్ అనే యువకుడితో వివాహం అయ్యింది. అంతకుముందు ప్రేమించుకున్న వీరిద్దరూ.. వివాహానంతరం తమ దాంపత్య జీవితాన్ని సంతోషంగా కొనసాగించారు. అయితే.. పెళ్ళయిన ఆరు నెలల తర్వాత మ్యాట్ కి ఘోరమైన యాక్సిడెంట్ అయ్యింది. వెంటనే అతనిని స్థానికులు ఆసుపత్రికి తరలించగా.. చికిత్స అందించిన డాక్టర్లు మ్యాట్ కోమాలోకి వెళ్ళిపోయాడని చెప్పారు. ఎప్పుడు కోలుకుంటాడో తెలీయదని తేల్చేశారు. దీంతో డేనియలి తీవ్రంగా కుంగిపోయింది. అప్పుడు డాక్టర్లు ఆమె ముందు ఒకే ఒక్క ఆప్షన్ వుంచారు. కోమాలో వున్న మ్యాట్ ని మరిచిపోయి, కొత్త జీవితాన్ని ప్రారంభించు అంటూ సలహా ఇచ్చారు. వారి సలహా మేరకు కొద్దిసేపు దీర్ఘంగా ఆలోచించిన డేనియలి.. మరొక ఆప్షన్ ఎంచుకుంది. తన భర్త మ్యాట్ను ట్యూబులతో ఇంటికి తెచ్చుకుంది. కంటికి రెప్పలా కాపాడుకుంటూ.. అనుక్షణం తోడు నిలిచింది. డాక్టర్లు సూచించిన సలహాల మేరకు చికిత్స అందిస్తూ వచ్చింది.
మూడు నెలల తరవాత ఓ రోజు మ్యాట్ కళ్లు తెరిచాడు. అప్పుడు డేనియలి ఆనందానికి అంతే లేకుండా పోయింది. అయితే అది అంతలోనే అవిరైపోయింది. ఎందుకంటే.. కోమాలోంచి కోలుకున్న మ్యాట్కి ఏమీ గుర్తులేవు. తండ్రి చనిపోయింది, తన పెళ్లైందీ కూడా మర్చిపోయాడు. ఓ పసిపిల్లాడు అయిపోయాడు. అతని పరిస్థితి చూసి బాధపడ్డ డేనియలి.. ఆ తర్వాత కోలుకుని అతనికి గతం గుర్తుకు తెచ్చేలా ప్రయత్నాలు చేసింది. ఫిజియో థెరపీ చేయించింది. యోగ క్లాసులకు తీసుకెళ్లింది. మరో మూడు నెలలకు మ్యాట్ మెమరీ తిరిగి వచ్చింది. ఇప్పుడు మ్యాట్, డేనియలీలు ఆనందంగా కాలం గడుపుతున్నారు.
AS
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more