‘సెక్స్ రాకెట్’ కేసులో పట్టుబడ్డ ‘సంచలన’ జంట

Posted: 11/18/2015 12:54 PM IST

ఆమధ్య ప్రేమికుల కోసం వారిపై ఆంక్షలను వ్యతిరేకిస్తూ ‘కిస్ ఆఫ్ లవ్’ పేరిట ఉద్యమాన్ని నిర్వహించి వివాదానికి దారితీసిన రాహుల్ పశుపలన్, అతని భార్య-మోడల్ ఆర్.నాయర్ ఇద్దరూ ‘సెక్స్ రాకెట్’ కేసులో పట్టుబడ్డారు. కేరళ వ్యాప్తంగా వీరిద్దరూ ఆన్-లైన్ లో సెక్స్ రాకెట్ నడుపుతున్నట్లు సమాచారం అందుకున్న పోలీసులు.. వెంటనే రంగంలోకి దిగి వారిని అరెస్ట్ చేశారు. ఈ సంచలన దంపతులతోపాటు మరో 8 మందిని కేరళ పోలీసులు బుధవారం అదుపులోకి తీసుకున్నారు.

గతంలో కేరళలోని కోజికోడ్ లో ప్రేమజంటలున్న ఓ కాఫీ షాపును కొందరు వ్యక్తులు ధ్వంసం చేశారు. అప్పుడు రాహుల్ పశుపలన్ ‘కిస్ ఆఫ్ లవ్’ పేరిట ఓ ఉద్యమాన్ని తెరమీదకి తీసుకొచ్చాడు. ప్రేమికులపై ఆంక్షలను వ్యతిరేకిస్తూ వెలుగులోకొచ్చిన ఆ ఉద్యమం.. దేశంలోని మెట్రోనగరాలకు విస్తరించడమే కాకుండా వివాదాస్పదంగా మారింది. ఆ ఉద్యమంలో భాగంగా జంటలు బహిరంగంగా ముద్దులు పెట్టుకోవడంతో అది సంచలనంగా మారింది. ఆ ఉద్యమంతో రాహుల్ పేరు దేశవ్యాప్తంగా మారుమోగింది. అప్పటివరకు పరిచయం లేని అతని పేరు దేశం మొత్తం మారుమోగింది.

AS