లీటరు పాల ధర ఏకంగా ఆరువేల రూపాయలు

Posted: 10/15/2015 11:22 AM IST

బల్లు ఓడలు.. ఓడలు బల్లు కావడం అంటే ఇదే. ఒకప్సుడు ఎందుకూ కొరగావు అనుకున్నవే.. అమూల్యంగా మారాయి. పదిహేనేళ్లకొకసారి పెంటకుప్పకు కూడా టైం వస్తుంది అంటుంటారు పెద్దలు. టైం వస్తే దేనికైనా దశ తిరుగుతుంది. తాజాగా పాల ధర ఆరు వేలు పలుకుతోంది. అవును మీరు చదువుతున్నది అక్షరాల నిజం.. అచ్చంగా ఆరువేల రూపాయలు చెల్లిస్తేనే లీటరు పాలు దొరుకుతాయి. లేదంటే లేదు. కానీ ఆ పాలకోసం జనాలు క్యులు కడుతున్నారు. అడ్వాన్స్ లు ఇచ్చిమరీ పాలు బుక్ చేసుకుంటున్నారు. ఇంతకీ ఏం పాలు అనుకుంటున్నారా..? గాడిద పాల క్రేజ్ గురించి ఇప్పటి దాకా మాట్లాడాం. అవును గాడిద పాలకు పెరగిన క్రేజ్ వల్ల లీటరు పాల ధర ఏకంగా ఆరు వేలకు చేరింది. అసలు అంత ధర ఎందుకు అనే దానికి సమాధానం కావాలంటే మొత్తం స్టోరీ చదవండి.

ఇంతకీ విషయమేమిటంటే.. గాడిద పాలు తాగితే ఉబ్బసం, అజీర్తి, కీళ్ల నొప్పులు వంటి పలు రోగాలు మటుమాయమవుతాయన్న నమ్మకంతో పలువురు ఆ పాల కోసం ఎగబడ్డారు. దీంతో గిరాకీ పెరిగి లీటరు రూ.6 వేలకు అమ్మారు. ఒక్కో గాడిద రోజుకోసారి 200 నుంచి 250 మిల్లీ లీటర్లు మాత్రమే పాలు ఇవ్వడంతో బుధవారం పాలు దొరకని వారు మర్నాడు పాలు తమకే ఇచ్చేలా అడ్వాన్సు కూడా చెల్లించారు. అజీర్తి, ఉబ్బసంతో బాధపడేవారికి గాడిద పాలు మంచి ఔషధమని గాడిదల పెంపకందారుడు మాచర్ల కాలయ్య చెప్పారు. అనేక చోట్ల లీటర్లు రూ.2 వేల వరకూ పలుకుతుండగా అనపర్తిలో ఏకంగా 6 వేల వరకూ పెరగడం విశేషం. ఆదిలాబాద్ జిల్లావ్యాప్తంగా చాలా ఏరియాల్లో ఈ గాడిద పాల క్రేజ్ సాగుతోంది. టైం అంటే ఇదేనేమో మరి.

*అభినవచారి*