ITEMVIDEOS: మహబూబ్ నగర్ జిల్లాలో దారుణం.. అసువులు తీసిన అధికార పార్టీ నేత

Posted: 10/11/2015 02:14 PM IST

మహబూబ్ నగర్ జిల్లాలోని జడ్చర్ల మండలం, గొల్లపల్లిలో టీఆర్‌ఎస్‌ నేత భూదాహం ఓ కుటుంబంలో చిచ్చు రేపింది. ఆదివారం ఉదయం బాధిత కుటుంబంల సామూహిక ఆత్మహత్యాయత్నానికి పాల్పడింది. టీఆర్‌ఎస్‌ నేతగా చెలామణి అవుతున్న ఇర్ఫాన్‌ ఇంటి ఎదుట ఓ తండ్రి సహా నలుగురు కుమారులు ఆత్మహత్యాయత్నానికి ఒడిగట్టారు అందులో ఇద్దరు కుమారులు చనిపోయారు. మరొకరి పరిస్థితి విషమంగా ఉంది. ఆత్మహత్యాయత్నానికి యత్నించిన ఆ కుటుంబానికి ఉన్న స్థలాన్ని టీఆర్‌ఎస్‌ నేత ఇర్ఫాన్‌ కబ్జా చేసేందుకు ప్రయత్నించాడు. పోలీసులకు పిర్యాదు చేసినా పట్టించుకోకపోవడంతో ఆ కుటుంబం మనస్తాపం చెంది.. ఇర్ఫాన్‌ ఇంటి ఎదుట ఆత్మహత్యాయత్నం చేసింది.

కుటుంబ యజవనిఇ వెంకటయ్యకు చెందిన స్థలాన్ని ఆక్రమించుకుని అక్కడ కమ్యూనిటి హాలు నిర్మాణానికి శ్రీకారం చుట్టడంతో ఆందోళనకు గురైన కుటుంబీకులు పోలీసులకు ఫిర్యాదు చేసిన వారు పట్టించుకోకపోవడంతో మనస్థాపం చెందిన వెంకటయ్య ఆతని నలుగురు కుమారులు శ్రీశైలం, కుమార్‌, మహేష్‌,, చంద్రశేఖర్‌ వీరంతా టీఆర్‌ఎస్‌ నేత ఇర్ఫాన్‌ ఇంటి ముందు ఆత్మహత్యాయత్నం చేశారు. ఈ ఘటనలో శ్రీశైలం, మహేష్‌ ఇద్దరు చనిపోయారు. మరొకరి పరిస్థితి విషమంగా ఉంది. మిగిలినవారు ఆస్పత్రిలో చికిత్స పొందుతున్నారు మృతదేహాలను రోడ్డుపై ఉంచి వారి బంధువులు రహదారిపై రాస్తారోకో నిర్వహించారు. తమకు న్యాయం జరగాలని వారు డిమాండ్‌ చేస్తున్నారు. ఈ ఘటనపై టీఆర్‌ఎస్‌ పార్టీ ఇంకా స్పందించలేదు. సంఘటనా ప్రదేశానికి పోలీసులు రావడంతో బాధిత కుటుంబ బంధువులు వారిపై ఆగ్రహం వ్యక్తం చేశారు. పోలీసులు ముందే తగు చర్యలు తీసుకుని వుంటే ఇంతటి ఘోరం జరిగేది కాదని వారు పేర్కోంటున్నారు

జి. మనోహర్