ఎమ్మెల్యేపై అత్యాచారం కేసు.. కాదు కుట్ర!

Posted: 09/07/2015 06:58 PM IST

Assam mla gopinath das accused of raping minor girl

ప్రజాసేవే తన లక్ష్యమంటూ రాజకీయ రంగంలో అడుగుపెట్టిన ఓ నాయకుడు మైనర్ బాలికను చెరిచాడు. కామంతో కళ్లు మూసుకుపోయిన ఆ నీచుడు కన్నకూతురితో సమానమైన తన ఇంట్లో పనిచేసే అమ్మాయిపైనే అత్యాచారం చేశాడు. ఈ మేరకు బాధితురాలు పోలీసులకు ఫిర్యాదు చేసిన నేపథ్యంలో.. అతనిపై పలు సెక్షన్ల కింద కేసు నమోదు చేసినట్లు వారు తెలిపారు. ఈ ఘటన అసోం రాష్ట్రంలోని గౌహతిలో వెలుగుచూసింది.

అసోంలోని ఏఐయూడీఎఫ్ కు చెందిన ఎమ్మెల్యే గోపీనాథ్ దాస్ పై తాజాగా అత్యాచారం కేసు నమోదైంది. ఆ ఇంట్లోనే పనిచేసే బాలికపై గోపినాథ్ అత్యాచారానికి పాల్పడ్డారని, ఈమేరకు బాధితురాలు బోకో పోలీస్ స్టేషన్ పరిధిలోని మంది ఔట్ పోస్టులో గత నెల 29న ఫిర్యాదు చేసింది. గౌహతిలో ఆయన కారులోనే తనపై అత్యాచారం చేసినట్లుగా ఆ బాలిక ఫిర్యాదులో పేర్కొంది. తొలుత ఈమె ఫిర్యాదును పోలీసులు అంగీకరించలేదు. అయినప్పటికీ ఆ మైనర్ బాలిక తనకు జరిగిన అన్యాయానికి న్యాయం చేకూరాలని కోరుతూ పోలీస్ స్టేషన్ల చుట్టూ తిరిగింది. దీంతో స్పందించిన పోలీసులు.. వెంటనే కేసు నమోదు చేయకుండా తమదైన రీతిలో దర్యాప్తు చేశారు. ఇందులో భాగంగా వారికి ఆశ్చర్యకరమైన నిజాలు తెలియడంతో.. ఆ మైనర్ బాలిక ఫిర్యాదును స్వీకరించి, ఆ ఎమ్మెల్యేపై పలు సెక్షన్ల కింద కేసు నమోదు చేశారు.

అయితే.. తనమీద వచ్చిన ఈ అత్యాచార ఆరోపణల్లో ఏమాత్రం వాస్తవం లేదని గోపీనాథ్ ఖండించారు. తనపై కుట్రలో భాగంగానే ఇదంతా చేస్తున్నారని ఆయన అన్నారు. గతంలో ఆ బాలిక తమ ఇంటి నుంచి కొన్ని వస్తువులు దొంగలించి పారిపోయిందని ఆ ఎమ్మెల్యే ఆరోపించారు. దీంతో డైలామాలో పడ్డ పోలీసులు.. ఆ బాలికను పరీక్షల నిమిత్తం ఆసుపత్రికి తరలించారని తెలిసింది. ఈ కేసు చిక్కుముడి ఎన్నడూ వీడుతుందో వేచి చూడాల్సిందే!