ITEMVIDEOS: కామాంద ఖాకీకి కటకటాలు.. సిసిటీవీకి చిక్కిన అత్యాచారంపర్వం..

Posted: 07/11/2015 09:05 PM IST

దేశరాజధాని ఢిల్లీలో పోలీసుల వ్యవహారం రోజురోజుకు వివాదాస్పదమౌవుతున్నా.. అక్కడి పోలీసుల తీరులో మార్పు మాత్రం కానరావడం లేదు. ఢిల్లీలో మహిళలపై జరుగుతున్న అకృత్యాలు నానాటికి శృతిమించిపోతున్నా.. వాటిని అరికట్టాల్సిన పోలీసులు విఫలమవుతున్నారు. పైగా వారే మహిళలపై దారుణాలకు ఒడిగడుతున్నారు. నేరాలను అదుపు చేసేందుకు ప్రభుత్వం ఇచ్చిన రివాల్వర్ తో కూతురి వయస్సున యువతిపై ఓ యాభై ఏళ్ల ఏఎస్ఐ అత్యాచారానికి పాల్పడటం ఢిల్లీలో కలకలం రేపుతోంది. పశ్చిమ ఢిల్లీలోని పంజాబి బాఘ్ పోలీస్ స్టేషన్‌లో అసిస్టెంట్ సబ్ ఇన్‌స్పెక్టర్‌గా పనిచేస్తున్న ఓ అధికారి తన స్నేహితుడి ఇంట్లో పని చేస్తున్న ఓ యువతి(23) తలపై పాయింట్ బ్లాంక్‌లో రివాల్వర్ పెట్టి బెదిరించి అత్యాచారానికి పాల్పడ్డాడు.

వివరాళ్లోకెళితే.. పంజాబి బాఘ్ పోలీస్ స్టేషన్‌లో అసిస్టెంట్ సబ్ ఇన్‌స్పెక్టర్‌ జవీర్ సింగ్ గురువారం రాత్రి రాణీ బాఘ్ ప్రాంతంలోని అతని స్నేహితుని ఇంటికి వెళ్లాడు. ఆ సమయంలో చిత్తుగా తాగాడు. మద్యం మత్తులో ఆ ఇంట్లో పనిచేస్తున్న యువతిపై అత్యచారానికి పాల్పడ్డాడు. అయితే ఆ యువతి ప్రతిఘటించడంతో జవీద్ తన గన్ తీసి యువతి పాయింట్ బ్లాంక్‌లో పెట్టి బెదిరించాడు. ఆపై ఆమెపై అత్యాచారానికి పాల్పడ్డారు. అయితే ఈ ఘటనంతా ఇంట్లో ఉన్న సీసీటీవీలో రికార్డయ్యింది. మరుసటి రోజు బాధితురాలు పోలీసులను ఆశ్రయించింది. బాధితురాలి ఫిర్యాదు మేరకు సీసీటీవీ ఫుటేజీ ఆధారంగా నిందితుడు ఏఎస్ఐ జవీర్ సింగ్‌ను పోలీసులు అరెస్ట్ చేశారు.

జి.మనోహర్