మరో ‘దొంగ’ స్వామీజీ బండారం భట్టభయలు..

Posted: 05/30/2015 04:34 PM IST

సామాన్యులకు జీవిత రహస్యాలను తెలిపే అతీతశక్తులున్న స్వామీజీలో మన దేశంలో ఎందరో వున్నారు. వారిని ప్రజలకు కూడా పూర్తి విశ్వాసాలతో పూజిస్తుంటారు. అయితే అదే అదనుగా ఎందరెందరో దోంగ స్వామీజీలు కూడా పుట్టుకోస్తున్నారు. ఎవరు మహిమాన్వితులు.. ఎవరు మసి పూసి మారేడు కాయను చేస్తున్నారన్న తెలుసుకోవడం చాలా కష్టమే అయినా.. అలా తెలుసుకోలేక ఎందరో వారి బారిన పడి కొందరు నిలువుదోపిడికి గురవుతుండగా, మరికోందరు అడ్డంగా బుక్ అవుతుంటారు. సరిగ్గా ఇలాంటి దొంగ స్వామీజి బండారమొక్కటి ఉత్తర్ ప్రదేశ్ లోని ఘజియాబాద్ మధుర జిల్లాలో భట్టభయలు అయ్యింది.

అయితే అక్కడ బాధితురాలు అడ్డంగా బుక్ అయిన తరువాతగాని వాడు త్రాష్ఠుడని తెలియలేదు. వివరాల్లోకి వెళ్తే.. వితంతువుపై స్వామిజీతోపాటు అతని స్నేహితుడు తనను ఉత్తరప్రదేశ్ మధురకు తీసుకెళ్లి సామూహిక అత్యాచారానికి పాల్పడ్డారని ఓ మహిళ ఆరోపించింది. ఘజియాబాద్కు చెందిన మహిళకు గత కోంత కాలం క్రితం భర్తను కోల్పోయింది. దాంతో ఆమెను కష్టాలు చుట్టుముట్టాయి. తనకు తెలిసిన ఓ స్వామిని కలిస్తే కష్టాలు తొలగిపోతాయని ఓ వ్యక్తి సదరు మహిళతో నమ్మ బలికాడు. దీంతో ఆమె స్వామిజీని కలిసింది. కష్టాలు తొలగించాలని ఆమె స్వామిజీని వేడుకుంది. మదురకు వస్తే మీ కష్టాలను తొలగించి.. జీవితాంతం సుఖంగా వుండేలా చేస్తానని సదరు స్వామీజి అమెతో నమ్మబలికాడు.

ఈ క్రమంలో కష్టాలు తొలగిపోతాయని నమ్మకంతో సదరు వ్యక్తితో కుమారుడిని వెంటబెట్టుకుని బాధితురాలు మధుర వెళ్లింది. ఆ ఆ క్రమంలో పూజలు చేయాలన్న ఆమెపై స్వామిజీ అత్యాచారం చేశాడు. అంతేకాకుండా ఆమెతో వచ్చిన వ్యక్తి కూడా అత్యాచారం చేశాడు. ఈ విషయం బయటకు వెళ్లడిస్తే కుమారుడిని చంపేస్తామంటూ ఆమెను బెదిరించారు. అయినా వారి బెదిరింపులను లెక్కచేయకుండా బాధితురాలు స్థానికుల సాయంతో పోలీసులను ఆశ్రయించి.. ఫిర్యాదు చేసింది. పోలీసులు కేసు నమోదు చేసి దర్యాప్తు చేస్తున్నారు. నిందితులను పట్టుకుంటామని పోలీసులు వెల్లడించారు.
.
జి.మనోహర్